കൊറോണ വൈറസ് വ്യാപനത്തിന്റെ ഫലമായി ബജറ്റ് ഹോട്ടല് ശൃംഖലയായ ഫാബ് ഹോട്ടല്സ് നൂറിലധികം ജീവനക്കാരെ പിരിച്ചുവിട്ടു. കമ്പനിയുടെ നൂറിലധികം ജീവനക്കാരെ, പ്രധാനമായും ഓപ്പറേഷന്സ്, ടെക്, സെയില്സ്, സപ്ലൈ അക്വിസിഷന് ടീമുകളില് നിന്നായി പിരിച്ചുവിടുകയാണെന്ന് ഒരു മുതിര്ന്ന ഉദ്യോഗസ്ഥന് പറഞ്ഞു. വിഭവങ്ങളുടെ പരിമിതപ്പെടുത്തലിന്റെ ഭാ?ഗമായിയാണ് ഈ തീരുമാനമെന്നും കമ്പനി വ്യക്തമാക്കി.
ജോലിയില് നിന്ന് പിരിച്ചുവിട്ട ഒരു ജീവനക്കാരന് കമ്പനി അയച്ച കത്തില് 'കുറച്ച് ദിവസങ്ങള്ക്ക് മുമ്പ് മാനേജരുമായുള്ള ടെലിഫോണിക് ചര്ച്ച പ്രകാരം, ഞങ്ങളുടെ റിസോഴ്സ് ഒപ്റ്റിമൈസേഷന് വ്യായാമത്തിന്റെ ഫലമായി, നിങ്ങളുടെ സ്ഥാനം അനാവശ്യമാണെന്ന് കണ്ടിരുന്നു. അത് നിങ്ങളെ അറിയിക്കുന്നതിനാണ് ഞങ്ങള് എഴുതുന്നത്. അതിനാല്, ഫാബ് ഹോട്ടലുകളില് നിങ്ങളുടെ ജോലി തുടരാന് ഞങ്ങള്ക്ക് കഴിയില്ല. കമ്പനിയില് കരാര് കാലയളവിന് അനുസൃതമായി നിങ്ങളുടെ അവസാന തൊഴില് തീയതി 2020 മാര്ച്ച് 30 ആയിരിക്കുമെന്നും പറയുന്നു. എന്നാല് ഇതേക്കുറിച്ച് ഔദ്യോ?ഗികമായി പ്രതികരിക്കാന് ഫാബ്ഹോട്ടല്സ് സ്ഥാപകന് വൈഭവ് അഗര്വാള് തയാറായിട്ടില്ല.
ലോകത്തെ പ്രധാന നഗരങ്ങളിലെ ലോക്ക്ഡൗണുകള് കാരണം യാത്രാ, ഹോസ്പിറ്റാലിറ്റി വ്യവസായം നിര്ത്തലാക്കിക്കൊണ്ടിരിക്കുകയാണെന്ന് കമ്പനിയുടെ ജീവനക്കാര്ക്ക് അയച്ച മറ്റൊരു മെയിലില് അഗര്വാള് പറഞ്ഞു. ഈ മാസം ഞങ്ങളുടെ വരുമാനത്തേയും ഇത് വളരെയധികം ബാധിച്ചു. ഏപ്രിലില് സ്ഥിതി ഇതിലും മോശമാകാനാണ് സാധ്യത എന്നും അത് കൂട്ടിച്ചേര്ത്തു.
ഈ പ്രതിസന്ധിയ്ക്കെതിരെ പോരാടാന് കമ്പനിക്ക് എല്ലാവരുടെയും പിന്തുണ ആവശ്യമാണെന്നും എല്ലാവരില് നിന്നും ചില ത്യാഗങ്ങള് ആവശ്യമാണെന്നും കത്തില് പറയുന്നു. കമ്പനി സ്ഥാപകര് പ്രതിസന്ധിയുടെ പശ്ചാത്തലത്തില് 25 ശതമാനം വെട്ടിക്കുറവ് വരുത്തുമ്പോള്, സിടിസിയുടെ അടിസ്ഥാനത്തില് മറ്റ് ജീവനക്കാര്ക്കും കമ്പനി ശമ്പളം വെട്ടിക്കുറച്ചേക്കാം. സിടിസിയിലെ പ്രതിമാസം 25,000 രൂപയില് താഴെ ശമ്പളമുള്ള എല്ലാ ജീവനക്കാര്ക്കും 15 ശതമാനവും, പ്രതിമാസം 25,000 ത്തില് കൂടുതല് ഉള്ളവര്ക്ക് 20 ശതമാനവുമാണ് വെട്ടിക്കുറയ്ക്കുന്നത്.