കോവിഡ് -19 ന്റെ വ്യാപകമായ വ്യാപനം തടയുന്നതിനായി വിവിധ ഗോഡൗണുകളും സ്റ്റോറുകളും അടച്ചതിന്റെ ഫലമായി രാജ്യത്തുടനീളമുള്ള ഓൺലൈൻ, ഓഫ്‌ലൈൻ റീട്ടെയിലർമാറുടെ അവശ്യവസ്തുക്കളുടെ വിതരണം മന്ദഗതിയിലായി. രാജ്യത്തെ ഏറ്റവും വലിയ ഇ-കൊമേഴ്‌സ് വിപണന കേന്ദ്രങ്ങളായ ഫ്ലിപ്കാർട്ടും ആമസോണും ചില പ്രദേശങ്ങളിലെ വിൽപ്പനക്കാർക്കുള്ള ലോജിസ്റ്റിക് സേവനങ്ങൾ താൽക്കാലികമായി നിർത്തിവച്ചിരിക്കുകയാണ്. പ്രവർത്തന പരിമിതികൾ ചൂണ്ടിക്കാട്ടി, റീട്ടെയിലേഴ്സ് അസോസിയേഷൻ ഓഫ് ഇന്ത്യ (RAI) കണക്കാക്കുന്നത് വെയർഹൗസുകൾ അടയ്ക്കാനുള്ള പോലീസ് ഉത്തരവ് ഏകദേശം 25,000-30,000 സൂപ്പർമാർക്കറ്റുകളെ സ്വാധീനിച്ചു എന്നാണ്. ഇത് രാജ്യത്തുടനീളമുള്ള വിതരണ ശൃംഖല തടസ്സപ്പെടുന്നതിലേക്ക് നയിച്ചിട്ടുണ്ട്.
ഫ്യൂച്ചർ ഗ്രൂപ്പ്, റിലയൻസ് റീട്ടെയിൽ, ഷോപ്പേഴ്സ് സ്റ്റോപ്പ് എന്നിവയുൾപ്പെടെ അയ്യായിരത്തിലധികം റീട്ടെയിലർമാരെ പ്രതിനിധീകരിക്കുന്ന RAI, പഞ്ചാബ്, മഹാരാഷ്ട്ര, ഉത്തർപ്രദേശ് എന്നിവിടങ്ങളിലെ വെയർഹൗസുകൾ അടച്ചതിൽ പ്രതിഷേധിച്ച് വിവിധ സംസ്ഥാന സർക്കാർ അധികാരികൾക്ക് കത്ത് അയച്ചിട്ടുണ്ട്.
കഴിഞ്ഞ 36 മണിക്കൂറിനുള്ളിൽ സ്ഥിതി മോശമായി
ഇക്കോമേഴ്‌സ് ഭീമനായ ആമസോൺ തങ്ങളുടെ വിൽപ്പനക്കാരുമായി നടത്തിയ ഇമെയിൽ ആശയവിനിമയത്തിൽ തിങ്കളാഴ്ച തങ്ങളുടെ ഈസി ഷിപ്പ്, സെല്ലർ ഫ്ലെക്‌സ്, ഫുൾഫിൽഡ് ബൈ ആമസോൺ (എഫ്ബിഎ) പ്രോഗ്രാമുകൾ താൽക്കാലികമായി നിർത്തിവയ്ക്കുമെന്ന് അറിയിച്ചു. എന്നാൽ ചൊവ്വാഴ്ച ഈ സേവനങ്ങൾ പുനരാരംഭിക്കുമോ എന്നത് ഇപ്പോൾ വ്യക്തമല്ല. ലോക്ക്ഡൗൺ ഏർപ്പെടുത്തിയിരിക്കുന്ന സ്ഥലങ്ങളിൽ നിന്നും ഓർഡർ പിക്കപ്പുകൾ അനിശ്ചിതമായി ഫ്ലിപ്പ്കാർട്ട് തടഞ്ഞിട്ടുണ്ട്. അതേസമയം സമാന പ്രശ്‌നങ്ങൾ നേരിടുന്നുണ്ടെന്ന് സ്നാപ്ഡീലും വ്യക്തമാക്കി.
നിരവധി നഗരങ്ങളിൽ സെക്ഷൻ 144 ഏർപ്പെടുത്തിയിട്ടുള്ള സാഹചര്യത്തിൽ, ആ പ്രദേശങ്ങളിലെ പിക്കപ്പ് ഉൾപ്പെടെയുള്ള ഞങ്ങളുടെ ലോജിസ്റ്റിക് പ്രവർത്തനങ്ങൾ നിർത്തിവയ്ക്കുമെന്ന് ഒരു ഫ്ലിപ്കാർട്ട് വക്താവ് പറഞ്ഞു. ഇത് ഞങ്ങളുടെ മറ്റ് ഹബുകളിലെ സാധാരണ വോള്യങ്ങളേക്കാൾ കൂടുതൽ പ്രവർത്തിക്കാൻ സമ്മർദ്ദം ചെലുത്തുന്നുണ്ടെങ്കിലും, ആവശ്യം നിറവേറ്റാൻ കഴിയുമെന്നതിനായി ഞങ്ങൾ പരമാവധി ശ്രമിക്കുന്നു എന്നും അദ്ദേഹം കൂട്ടിച്ചേർത്തു.
ഉപയോക്താക്കൾക്ക് ഡെലിവറി വേഗത്തിലാക്കുകയെന്ന ലക്ഷ്യത്തോടെ സാധാരണയായി ഇത്തരം പ്ലാറ്റ്ഫോമുകളിൽ പ്രത്യേക സേവനങ്ങൾ വാഗ്ദാനം ചെയ്യാറുണ്ട്. എന്നാൽ ഇപ്പോൾ ഇത്തരം ഡെലിവറികളും തടസ്സങ്ങളുണ്ടാകുന്നത് കാരണം വൈകുമെന്ന് വ്യവസായ എക്സിക്യൂട്ടീവുകൾ പറഞ്ഞു. കഴിഞ്ഞയാഴ്ച ഉപഭോക്തൃ കാര്യ മന്ത്രാലയത്തിന്റെ വിജ്ഞാപന പ്രകാരം ഇ-കൊമേഴ്‌സ് സ്ഥാപനങ്ങളുടെയും അവരുടെ വെണ്ടർമാരെയും സെക്ഷൻ 144 നിയന്ത്രണങ്ങളിൽ നിന്ന് ഒഴിവാക്കിയിരുന്നു. അതേസമയം അവശ്യവസ്തുക്കളായ പാൽ, ഭക്ഷണം, മരുന്നുകൾ എന്നിവ വിതരണം ചെയ്യുന്ന ഇ-കൊമേഴ്‌സ് പ്ലാറ്റ്‌ഫോമുകൾ ഒഴിവാക്കണമെന്ന് തിങ്കളാഴ്ച വൈകുന്നേരം മഹാരാഷ്ട്ര സർക്കാർ വിശദമായ കുറിപ്പ് നൽകി.
എന്നിരുന്നാലും, എല്ലാ ഇ-കൊമേഴ്‌സ് കമ്പനികൾ പ്രാദേശിക ആളുകളുമായി ഇടപെടേണ്ടിവരുന്ന ഫ്രണ്ട് എൻഡ് സ്റ്റാഫുകളുടെ ശക്തി കുറയുന്ന പ്രശ്‌നങ്ങൾ നേരിടുന്നു. നിലവിൽ പടിഞ്ഞാറൻ മേഖലയിലും (പ്രത്യേകിച്ച് മഹാരാഷ്ട്രയിലും) ഉത്തരേന്ത്യയിലും (ഡൽഹി-എൻ‌സി‌ആർ ഉൾപ്പെടെ) നേരിടുന്ന രൂക്ഷമായ ആഘാതം അടുത്ത ദിവസങ്ങളിൽ തെക്കൻ സംസ്ഥാനങ്ങളിലേക്കും പടരാൻ സാധ്യതയുണ്ടെന്ന് വിദഗ്ധർ പറയുന്നു.
അതേസമയം, ഓഫ്‌ലൈൻ റീട്ടെയിലർമാരും കനത്ത തിരിച്ചടി നേരിടുന്നു. വെയർഹൗസുകൾ അടച്ചുപൂട്ടുന്നതും പ്രാദേശിക അധികാരികളുടെ നടപടി മൂലം പ്രവർത്തനങ്ങൾ തടസ്സപ്പെടുന്നതും സംബന്ധിച്ച് സംസ്ഥാന സർക്കാരുകളിൽ നിന്ന് അസോസിയേഷന് ഇതുവരെ പ്രതികരണം ലഭിച്ചിട്ടില്ലെന്ന് റായ് ചീഫ് എക്സിക്യൂട്ടീവ് ഓഫീസർ കുമാർ രാജഗോപാലൻ പറഞ്ഞു.
ഗതാഗത പ്രശ്‌നങ്ങളെത്തുടർന്ന് കമ്പനികളിൽ നിന്നുള്ള സപ്ലൈസ് കുറഞ്ഞുവെന്നും കോവിഡ് -19 പകർച്ചാവ്യാധിയെ ഭയന്ന് നിരവധി വിതരണക്കാരും മൊത്തക്കച്ചവടക്കാരും പ്രവർത്തനം നിർത്തിവച്ചിരിക്കുകയാണെന്നും ഡൽഹി ആസ്ഥാനമായുള്ള എഫ്എംസിജി വ്യാപാരി പറഞ്ഞു. അവശ്യ ഉൽ‌പ്പന്നങ്ങൾ കർഫ്യൂവിൽ നിന്നും ലോക്ക്ഡൗണിൽ നിന്നും ഒഴിവാക്കിയിട്ടും ഇത് സംഭവിക്കുന്നു. പല കച്ചവടക്കാരും ബിസിനസ്സ് നഷ്ടം ഏറ്റെടുക്കാൻ തയ്യാറാണെങ്കിലും അത് ഒഴിവാക്കാൻ സാധ്യതയില്ല. ഇത് കിരാന സ്റ്റോറുകളിലേക്കുള്ള വിതരണത്തെ ബാധിക്കുന്നതായും അദ്ദേഹം പറഞ്ഞു.
രാജ്യം ലോക്ക്ഡൗൺ മോഡിലേക്ക് പോകുകയും പ്രാദേശിക അധികാരികൾ ഡെലിവറി സ്റ്റാഫുകളെ തടയുകയും ചെയ്തതിനാൽ ബിഗ് ബാസ്‌ക്കറ്റ്, ഗ്രോഫേഴ്‌സ് പോലുള്ള ഓൺലൈൻ പലചരക്ക് വ്യാപാരികൾ ഞായറാഴ്ച ആയിരക്കണക്കിന് ഓർഡറുകൾ റദ്ദാക്കുകയോ വീണ്ടും ഷെഡ്യൂൾ ചെയ്യുകയോ ചെയ്യണമെന്ന് മാർച്ച് 23 ന് റിപ്പോർട്ട് വന്നിരുന്നു. രാജ്യത്തുടനീളം വെയർഹൗസുകൾ അടയ്ക്കുന്നതിനെക്കുറിച്ച് ഇ-കൊമേഴ്‌സ് സ്ഥാപനങ്ങളും പരാതിപ്പെട്ടിട്ടുണ്ട്. വലിയ തടസ്സമുണ്ടാകുകയും വിതരണം നിലച്ചതായും ഫ്ലിപ്കാർട്ടിന്റെയും ആമസോണിന്റെയും വിവിധ വെയർഹൗസുകൾ അടച്ചതായും ആമസോണിന്റെയും ഫ്ലിപ്കാർട്ടിന്റെയും എഫ്എംസിജി വിതരണക്കാരൻ പറഞ്ഞു.
അതേസമയം സാധനങ്ങൾ ഡെലിവറി ചെയാൻ ആളെ കിട്ടാത്ത ഒരു വലിയ പ്രതിസന്ധി കമ്പനി നേരിടുന്നുണ്ടെന്ന് ഒരു ഫ്ലിപ്പ്കാർട്ട് എക്സിക്യൂട്ടീവ് പറഞ്ഞു. വെയർഹൗസുകൾ അടച്ചുപൂട്ടുന്ന ലോജിസ്റ്റിക് കമ്പനികളാണ് ഈ ആശങ്കകളെ പ്രതിഫലിപ്പിക്കുന്നത്. ഡെലിവറി പങ്കാളികളും വെയർഹൗസിംഗിലെ ജീവനക്കാരും ഉൾപ്പെടുന്ന ഫ്രണ്ട് ലൈൻ സ്റ്റാഫ് പുറത്തുവന്ന് ജോലി ചെയ്യാൻ ആഗ്രഹിക്കുന്നില്ല. തങ്ങളെ പ്രാദേശിക അധികാരികൾ അറസ്റ്റ് ചെയ്യുകയും ഉപദ്രവിക്കുകയും ചെയ്യുമെന്ന് അവർ ഭയപ്പെടുന്നു എന്നും ഒരു ലോജിസ്റ്റിക് കമ്പനിയുടെ സ്ഥാപകൻ പറഞ്ഞു. കഴിഞ്ഞ 36 മണിക്കൂറിനുള്ളിൽ ഇതിന്റെ തീവ്രത വർദ്ധിപ്പിച്ചതായും അദ്ദേഹം പറഞ്ഞു.
ഓർഡർ പിക്കപ്പുകൾ താൽക്കാലികമായി നിർത്തുന്നത് ആവശ്യവും അനിവാര്യവുമായ വസ്തുക്കളെയും ബാധിക്കുന്നു. എന്നാൽ ഓൺലൈൻ പ്ലാറ്റ്ഫോമുകളിൽ അവശ്യവസ്തുക്കളുടെ ലഭ്യതയെക്കുറിച്ച് ലോക്കൽ സർക്കിളുകൾ നടത്തിയ ഒരു സർവേയിൽ പ്രതികരിച്ച 35 ശതമാനം ആളുകളും തങ്ങൾ തിരയുന്ന മിക്ക ഉൽപ്പന്നങ്ങളും നേടാനാകില്ലെന്ന് അഭിപ്രായപ്പെട്ടു.
സുപ്രധാന സേവനങ്ങൾ നിർവഹിക്കാനും ഞങ്ങളുടെ ഡെലിവറി അസോസിയേറ്റുകൾക്ക് സുരക്ഷ നൽകുന്നതിനും അവശ്യ സാധനങ്ങൾ തടസ്സമില്ലാതെ ഉപഭോക്താക്കളുടെ വീടുകളിൽ സുരക്ഷിതമായി എത്തിക്കുന്നതിനും അനുവാദം ലഭിക്കാനായി പ്രാദേശിക അധികാരികളുമായി ചർച്ച നടത്തുന്നതായി ഒരു ആമസോൺ വക്താവ് പറഞ്ഞു.
പരിമിതമായ വിഭവങ്ങളോടെ അവശ്യവസ്തുക്കൾ എത്തിക്കുന്നതിൽ ശ്രദ്ധ കേന്ദ്രീകരിക്കുമെന്ന് ആമസോൺ കഴിഞ്ഞയാഴ്ച യുഎസിലും യൂറോപ്പിലും ഫുൾഫിൽഡ് ബൈ ആമസോൺ (അല്ലെങ്കിൽ എഫ്ബിഎ) പ്രോഗ്രാം താൽക്കാലികമായി നിർത്തി വച്ചുകൊണ്ട് പറഞ്ഞു. അതേസമയം ഈ പ്രഖ്യാപനം ഇന്ത്യയ്ക്ക് ബാധകമല്ലെന്നും ആമസോൺ അറിയിച്ചു.
