മുംബൈ: സൗന്ദര്യ വര്‍ധക ഉല്‍പ്പന്നങ്ങളുടെ ആവശ്യകത ഉയരുന്നതായി ഹിന്ദുസ്ഥാന്‍ യൂണിലിവര്‍. ഹെയര്‍ കെയര്‍, ചര്‍മ്മസംരക്ഷണം, സൗന്ദര്യവര്‍ദ്ധകവസ്തുക്കള്‍ എന്നിവയുടെ ആവശ്യകതയിലാണ് വര്‍ധനവുണ്ടായിരിക്കുന്നതെന്ന് ഹിന്ദുസ്ഥാന്‍ യൂണിലിവര്‍ അറിയിച്ചു. എന്നാല്‍ ഇത് സാധാരണ നിലയിലേക്ക് എത്തുമെന്ന് ഉറപ്പില്ല. ഇന്ത്യയിലെ മികച്ച ഉപഭോക്തൃവികസനത്തിനുള്ള ശേഷി കണക്കാക്കപ്പെടുന്ന ഇന്ത്യയിലെ മുന്‍നിര ഉപഭോക്തൃ ഉല്‍പ്പന്ന സ്ഥാപനമായ എച്ച്യുഎല്‍ സാധാരണ ഉത്പാദന നിലയുടെ 80-90% വരെ എത്തിയിട്ടുണ്ട്. അസമിലെ ഒരെണ്ണം ഒഴികെ ബാക്കി എല്ലാ ഫാക്ടറികളും വെയര്‍ഹൗസുകളും പ്രവര്‍ത്തിക്കുന്നുണ്ടെന്നും പറഞ്ഞു.
ലോക്ക്ഡൗണിന്റെ പ്രാരംഭ കാലയളവില്‍ പ്രവര്‍ത്തനം നിര്‍ത്തിവച്ച വിതരണക്കാര്‍ ഇപ്പോള്‍ ബിസിനസ്സിലേക്ക് തിരിച്ചെത്തിയതായി കമ്പനി അറിയിച്ചു. സഞ്ചാര നിയന്ത്രണങ്ങളും വരുമാനം നഷ്ടപ്പെടവും വിവേചനാധികാര വിഭാഗങ്ങളായ മുടി സംരക്ഷണം, ചര്‍മ്മ സംരക്ഷണം, സൗന്ദര്യവര്‍ദ്ധകവസ്തുക്കള്‍ എന്നിവയില്‍ കൂടുതല്‍ സ്വാധീനം ചെലുത്തുന്നു. ഈ വിഭാഗങ്ങളില്‍ ആവശ്യകത ഉയരുന്നുണ്ടെങ്കിലും പൂര്‍ണമായി വീണ്ടെടുക്കാന്‍ എത്ര സമയം എടുക്കുമെന്ന് അറിയില്ലെന്ന് കമ്പനി സ്റ്റോക്ക് എക്‌സ്‌ചേഞ്ച് ഫയലിംഗില്‍ പറഞ്ഞു.
രാജ്യവ്യാപകമായി ലോക്ക്ഡൗണ്‍ പ്രഖ്യാപിക്കുന്നതിനു മുമ്പുതന്നെ വിവിധ സംസ്ഥാന സര്‍ക്കാരുകളും പ്രാദേശിക ഭരണകൂടങ്ങളും കോവിഡ് -19 നെതിരെ നടപടികള്‍ നടപ്പാക്കിയിട്ടുണ്ടെന്ന് റിന്‍ ഡിറ്റര്‍ജന്റ്, ഡോവ് സോപ്പ് നിര്‍മ്മാതാക്കള്‍ പറഞ്ഞു. അതിര്‍ത്തികള്‍ അടയ്ക്കുക, പൊതു സ്ഥലങ്ങള്‍ അടയ്ക്കുക, ഗതാഗത സേവനങ്ങള്‍ താല്‍ക്കാലികമായി നിര്‍ത്തുക, എന്നിങ്ങനെയുള്ള പ്രവര്‍ത്തനങ്ങളാല്‍ വിതരണ ശൃംഖകള്‍ തകരുകയും ഡിമാന്‍ഡ് കുറയുകയും ചെയ്തിരുന്നു.
ആംഗ്ലോ-ഡച്ച് യൂണിലിവറിന്റെ പ്രാദേശിക യൂണിറ്റിന്റെ മാര്‍ച്ച് പാദത്തിലെ വളര്‍ച്ച 7 ശതമാനം കുറഞ്ഞു. കോവിഡ് -19, ലോക്ക്ഡൗണ്‍ എന്നിവ ഉല്‍പാദനത്തെയും വിതരണത്തെയും തടസ്സപ്പെടുത്തി. എന്നാല്‍ ഏപ്രിലില്‍ പ്രവര്‍ത്തനം 70 ശതമാനമായി ഉയര്‍ന്നതായി കമ്പനി അറിയിച്ചു.
