Latest News ഇന്ത്യയിലെ ഏറ്റവും വലിയ സൂപ്പര്‍മാര്‍ക്കറ്റ് ശൃംഖലയായ ഡിമാര്‍ട്ട് ഇനി മുതല്‍ ഡല്‍ഹിയിലും; ലക്ഷ്യം വന്‍ സാമ്പത്തിക നേട്ടം; ഡിമാര്‍ട്ട് ഉടമ രാജ്യത്തെ രണ്ടാമത്തെ സമ്പന്നനായ രാധാകിഷന്‍ ദമാനി; ആസ്തി 17.9 ബില്യണ്‍ ഡോളര്‍ മാധ്യമ,വിതരണ സ്ഥാപനങ്ങളെ ഏകീകരിക്കാന്‍ റിലയന്‍സ്; ലയന നടപടികള്‍ തുടങ്ങി സൗദിയുടെ എണ്ണ ഉത്പ്പാദനത്തിലും കയറ്റുമതിയിലും ഭീമമായ ഇടിവ്; ചതിച്ചത് കൊറോണയും ഹൂതികളുടെ ആക്രമണവും; ഗള്‍ഫ് സമ്പദ് വ്യവസ്ഥ നേരിടുന്നത് വലിയ വെല്ലുവിളി; ആഗോള സാമ്പത്തിക വ്യവസ്ഥ മാന്ദ്യത്തിലേക്കോ? ആയിരം ഇവി സ്റ്റേഷനുകള്‍ സ്ഥാപിക്കാനൊരുങ്ങി ഇഇഎസ്എല്‍; പുതിയ കരാര്‍ ബിഎസ്എന്‍എല്ലുമായി ചേര്‍ന്ന് വജ്രവ്യാപാരി ഓഫീസ് ഓഫീസ് കെട്ടിടത്തില്‍ നിന്ന് ചാടി മരിച്ചു

വാഹന റീസൈക്ലിങ് ബിസിനസിലേക്ക് മാരുതിയും ടൊയോട്ടോയും;സംയുക്തസംരംഭം രൂപീകരിച്ച് കമ്പനികള്‍

November 07, 2019 |
|
Lifestyle

                  വാഹന റീസൈക്ലിങ് ബിസിനസിലേക്ക് മാരുതിയും ടൊയോട്ടോയും;സംയുക്തസംരംഭം രൂപീകരിച്ച് കമ്പനികള്‍

റീസൈക്കിള്‍ ബിസിനസിന് മികച്ച പരിഗണന നല്‍കാന്‍ തയ്യാറെടുക്കുകയാണ് രണ്ട് പ്രമുഖ കാര്‍നിര്‍മാതാക്കള്‍. മാരുതി സുസുകിയും ടൊയോട്ടയുമാണ് ഈ ബിസിനസില്‍ കൈകോര്‍ത്ത് മുമ്പോട്ട് പോകാന്‍ തീരുമാനിച്ചത്. വാഹന റീസൈക്കിള്‍ ബിസിനസില്‍ ആഗോളതലത്തിലുള്ള വിപണി തിരിച്ചറിഞ്ഞാണ് സംയുക്ത സംരംഭം രൂപീകരിക്കുന്നത്.

മാരുതി സുസുകി ടൊയോട്‌സു എന്ന പേരിലാണ് ഇരുവരും സംയുക്തസംരംഭം ഉണ്ടാക്കുന്നത്. ഇരുവര്‍ക്കും തുല്യ ഓഹരി പങ്കാളിത്തത്തില്‍ ആണ് ബിസിനസ്. വാഹനങ്ങള്‍ പൊളിക്കുകയും റീസൈക്കിള്‍ ചെയ്യുന്നതുമാണ് ബിസിനസ്. യുഎസ് വിപണിയില്‍ റീസൈക്കിള്‍ ചെയ്തുള്ള വാഹനങ്ങള്‍ക്ക് മികച്ച വില്‍പ്പനയാണ് ലഭിക്കുന്നത്. 3200 കോടി ഡോളറിന്റെ വിപണിയാണ് ഒരു വര്‍ഷം യുഎസിലുള്ളത്. 1.4 ലക്ഷം ആളുകള്‍ ഈ മേഖലയില്‍ ജോലിയും ചെയ്യുന്നുണ്ട്.

ഈ സാധ്യതകള്‍ ആഗോളാടിസ്ഥാനത്തില്‍ തിരിച്ചറിഞ്ഞാണ് മാരുതി സുസുകിയും ടൊയോട്ടയും പുതിയ സംരംഭം തയ്യാറാവുന്നത്.എംഎ്‌സ്ടിഐയുടെ നേതൃത്വത്തില്‍ നോയിഡയില്‍ 2020 ഓടെ റീസൈക്ലിങ് യൂനിറ്റ് സ്ഥാപിക്കും. ഇന്ത്യയുടെ മറ്റ് സംസ്ഥാനങ്ങളിലേക്കും യൂനിറ്റുകള്‍ വ്യാപിപ്പിക്കുമെന്ന് കമ്പനി പ്രസ്താവനയിലൂടെ അറിയിച്ചു.

2000 വാഹനങ്ങള്‍ ഒരുമാസം റീസൈക്കിള്‍ ചെയ്യാന്‍ ശേഷിയുള്ള പ്ലാന്റാകും നോയിഡയിലേത്. ഉപഭോക്താക്കള്‍,ഡീലര്‍മാരില്‍ നിന്നും നേരിട്ടെടുക്കുന്ന വാഹനങ്ങളായിരിക്കും ഇത്. പരിസ്ഥിതിസൗഹൃദ സംവിധാനങ്ങളായിരിക്കും റിസൈക്ലിങ്ങിന് ഉപയോഗിക്കുകയെന്നും കമ്പനി വ്യക്തമാക്കിയിട്ടുണ്ട്. 

News Desk

Author
mail: author@financialviews.in

Related Articles

© 2020 Financial Views. All Rights Reserved