സാന്‍ ഫ്രാന്‍സിസ്‌കോ: ട്വിറ്ററും സ്‌ക്വയര്‍ സിഇഒ ജാക്ക് ഡോര്‍സിയും പ്രോജക്ട് 100 ന് 10 മില്യണ്‍ ഡോളര്‍ സംഭാവന നല്‍കി. ഇത് കോവിഡ് -19 ബാധിച്ച 10,000 കുടുംബങ്ങള്‍ക്ക് 1,000 ഡോളര്‍ പണമായി നല്‍കുന്ന ഒരു പദ്ധതിയാണ്. പ്രോജക്ട് 100 ലാഭേച്ഛയില്ലാതെ പ്രവര്‍ത്തിക്കുന്ന, ഗിവ് ഡയറക്ടിലി, പ്രൊപ്പല്‍, സ്റ്റാന്‍ഡ് ഫോര്‍ ചില്‍ഡ്രന്‍ എന്നിവ ചേര്‍ന്നുള്ള സംയുക്ത ശ്രമമാണ്. ഏപ്രില്‍ മുതല്‍ ഇതുവരെ ഏകദേശം 84 മില്യണ്‍ ഡോളര്‍ സമാഹരിച്ചു.
ഒരു ലക്ഷം അമേരിക്കന്‍ കുടുംബങ്ങളെ സഹായിക്കുന്നതിന് 100 മില്യണ്‍ ഡോളര്‍ സമാഹരിക്കാനാണ് ഇത് ലക്ഷ്യമിടുന്നത്. ആല്‍ഫബെറ്റ്, ഗൂഗിള്‍ സിഇഒ സുന്ദര്‍ പിച്ചായ്, ശതകോടീശ്വരന്മാരായ സ്റ്റീവ് ബാല്‍മര്‍, ബില്‍ ഗേറ്റ്‌സ്, സെര്‍ജി ബ്രിന്‍, മക്കെന്‍സി ബെസോസ് എന്നിവരാണ് പ്രോജക്ട് 100 സംഭാവന ചെയ്യുന്നവര്‍.
കോവിഡ്19 പകര്‍ച്ചവ്യാധിയെ ചെറുക്കാന്‍ യുഎസിലെ ജയിലുകളെ സഹായിക്കാന്‍ ഡോര്‍സി ഈ മാസം 10 മില്യണ്‍ ഡോളര്‍ സംഭാവന നല്‍കി. തടവുകാര്‍ക്കും മറ്റ് ജോലിക്കാര്‍ക്കുമായി 10 ദശലക്ഷം ഫെയ്സ് മാസ്‌കുകളും വ്യക്തിഗത സുരക്ഷ ഉപകരണങ്ങളും (പിപിഇ) വാങ്ങുന്നതിന് ക്രിമിനല്‍ ജസ്റ്റിസ് അഡ്വക്കസി ഗ്രൂപ്പായ റിഫോര്‍ം അലയന്‍സിന് സംഭാവന നല്‍കി. ഡോര്‍സിയുടെ സ്റ്റാര്‍ട്ട്‌സ്മാല്‍ സംരംഭത്തില്‍ നിന്നാണ് ഈ ഫണ്ടുകള്‍ നല്‍കുന്നത്. മൊത്തം ഒരു ബില്യണ്‍ ഡോളര്‍, ഡോര്‍സി തന്റെ മൊബൈല്‍ പേയ്മെന്റ് കമ്പനിയായ സ്‌ക്വയറില്‍ നിന്നുള്ള ഇക്വിറ്റി ഉപയോഗിച്ച് ഏപ്രിലില്‍ നല്‍കി.
