സ്ത്രീകള്‍ മാത്രമുള്ള കമ്മ്യൂണിറ്റി പ്ലാറ്റ്‌ഫോമായിട്ടുള്ള ഷീറോസ് ബംഗളൂരു ആസ്ഥാനമായുള്ള വനിതാ ആരോഗ്യ പദ്ധതിയായ മായ ഒരു സ്റ്റോക്ക് ഡീലില്‍ സ്വന്തമാക്കി. ഷീറോസ് കമ്യൂണിറ്റിയിലെ സ്ത്രീകളുടെ ആരോഗ്യപ്രശ്‌നങ്ങള്‍ കൂടുതല്‍ ആഴത്തില്‍ മനസ്സിലാക്കാന്‍ ഈ പ്ലാറ്റ്‌ഫോം സഹായകമാകും. ലോകത്തിലെ എല്ലാ സ്ത്രീകള്‍ക്കും ഓണ്‍ലൈന്‍ വഴി ഏറ്റവും നല്ല ആരോഗ്യസംരക്ഷണം ഉറപ്പുവരുത്തുക എന്നുള്ളതാണ് ഈ ആപ്പുകളുടെ ഉദ്ദേശം.
ഇതിനോടകം തന്നെ 14 മില്ല്യണ്‍ അംഗങ്ങള്‍ ഇതിലുണ്ട്. 3-4 വര്‍ഷത്തിനുള്ളില്‍ 100 മില്ല്യണിലെത്തുക എന്നതാണ് ലക്ഷ്യം. മൊബൈല്‍ ആപ്ലിക്കേഷനിലൂടെ സ്ത്രീകള്‍ക്ക് തങ്ങളുടെ ആരോഗ്യം നിരീക്ഷിക്കാന്‍ ജോണ്‍ പോള്‍ നിര്‍മ്മിച്ച മായ സഹായിക്കുന്നു. 20 രാജ്യങ്ങളിലെ സ്ത്രീകള്‍ സജീവമായി ഈ ആപ്പ് ഉപയോഗിക്കുന്നുണ്ട്. ആരോഗ്യ സാങ്കേതിക വിദ്യയില്‍ മായ വലിയ രീതിയില്‍ മാറ്റം കൈവരിച്ചു ക്കൊണ്ടിരിക്കുകയാണ്.
ഡയഗ്‌നോസ്റ്റിക് ടെസ്റ്റുകള്‍, ഓണ്‍ലൈന്‍ ഡോക്ടര്‍ കണ്‍സള്‍ട്ടേഷനുകള്‍, ഫെര്‍ട്ടിലിറ്റി പ്രവചനങ്ങള്‍, ഗര്‍ഭധാരണ ട്രാക്കിംഗ് തുടങ്ങി എല്ലാമുണ്ട്. ഹിന്ദി, തമിഴ് തുടങ്ങിയ 14 ഭാഷകളിലും പ്രാദേശിക ഭാഷകളിലും ഈ പ്ലാറ്റ്‌ഫോം ലഭ്യമാകും.
