ഏപ്രിലില്‍ യാത്രാ കാറുകളുടെ വില്‍പ്പനയില്‍ 2 ശതമാനം ഇടിവ് രേഖപ്പെടുത്തി. കഴിഞ്ഞ വര്‍ഷം ഇതേ കാലയളവില്‍ ഇത് 2,42,457 യൂണിറ്റായിരുന്നുവെന്ന് ഓട്ടോമോട്ടീവ് ഡീലര്‍മാരുടെ സംഘടന അറിയിച്ചു. എന്നാല്‍ 2018 ഏപ്രിലില്‍ പാസഞ്ചര്‍ വാഹനങ്ങളുടെ വില്‍പ്പന 2,47,278 യൂണിറ്റായി ഉയര്‍ന്നു.

ഇരുചക്ര വാഹനങ്ങളുടെ വില്‍പന ഒമ്പത് ശതമാനം ഇടിഞ്ഞ് 12,85,470 യൂണിറ്റിലെത്തി. മുന്‍ വര്‍ഷം ഇതേ കാലയളവില്‍ ഇത് 14,09,662 യൂണിറ്റായിരുന്നു. വാണിജ്യ വാഹന വില്‍പ്പനയില്‍ 16 ശതമാനം ഇടിവുണ്ടായി. കഴിഞ്ഞ വര്‍ഷം ഇത് 75,622 യൂണിറ്റായിരുന്നു.

ത്രീ വീലര്‍ വാഹനങ്ങളുടെ വില്‍പ്പന 13 ശതമാനം ഇടിഞ്ഞ് 47,183 യൂണിറ്റിലെത്തി. മൊത്തം വില്‍പന,കഴിഞ്ഞ വര്‍ഷം ഏപ്രിലില്‍ 17,86,994 യൂണിറ്റുകള്‍ വിറ്റഴിച്ച സ്ഥാനത്ത് ഇക്കുറി 8,24,470 യൂണിറ്റുകള്‍ മാത്രമാണ് വിറ്റഴിച്ചത്. ചില്ലറ വില്‍പ്പനയില്‍ കാര്യമായ സ്വാധീനം ചെലുത്താന്‍ കഴിയാത്ത സാഹചര്യത്തില്‍, അടുത്ത കാലഘട്ടത്തില്‍ വില്‍പ്പന നിരുത്സാഹപ്പെടുത്തുന്നത് തുടരുകയാണ്.