ഇന്ത്യന്‍ ഐടി സ്ഥാപനങ്ങളിലെ 5 വനിതാ എക്‌സിക്യൂട്ടീവുകള്‍ ലോകത്തിലെ മികച്ച 25 വനിതാ ഐടി സേവകരുടെ പട്ടികയില്‍
ഇന്ത്യന്‍ ഐടി സ്ഥാപനങ്ങളിലെ അഞ്ച് വനിതാ എക്‌സിക്യൂട്ടീവുകള്‍ 2020 ലെ ലോകത്തിലെ മികച്ച 25 വനിതാ ഐടി സേവക നേതാക്കളുടെ പട്ടികയില്‍ ഇടം നേടി. ന്യൂസ് പോര്‍ട്ടലായ ഐടി സര്‍വീസസ് റിപ്പോര്‍ട്ട് അനുസരിച്ച് പട്ടികയില്‍ ടാറ്റാ സണ്‍സിലെ ഗ്രൂപ്പ് ചീഫ് ഡിജിറ്റല്‍ ഓഫീസറും മുമ്പ് ടിസിഎസില്‍ എക്‌സിക്യൂട്ടീവ് ഡയറക്ടറുമായിരുന്ന ആരതി സുബ്രഹ്മണ്യന്‍ മൂന്നാം സ്ഥാനത്താണ്. ഇന്‍ഫോസിസ് ഗ്രൂപ്പ് ജനറല്‍ കൗണ്‍സലും ചീഫ് കംപ്ലയിന്‍സ് ഓഫീസറുമായ ഇന്ദര്‍പ്രീത് സാവ്നി ആറാം സ്ഥാനത്താണ്.
ആക്‌സെഞ്ചര്‍ സിഇഒ ജൂലി സ്വീറ്റ് പട്ടികയില്‍ എട്ടാം സ്ഥാനത്താണ്. എച്ച്‌സിഎല്ലിന്റെ ചെയര്‍പേഴ്സണ്‍ റോഷ്‌നി നാടാര്‍ മല്‍ഹോത്ര, ആഗോള പരിവര്‍ത്തന സേവനങ്ങളുടെ ജെന്‍പാക്ട് ലീഡര്‍ റിജു വാശിഷ്ത്, 14-ആം സ്ഥാനത്താണ് വിപ്രോയുടെ ചീഫ് മാര്‍ക്കറ്റിംഗ് ഓഫീസര്‍ ലോറ ലാംഗ്ഡണ്‍ (20ാം സ്ഥാനത്ത്) എന്നിവരാണ് പട്ടികയിലുള്ള ഇന്ത്യക്കാര്‍.
തങ്ങളുടെ കമ്പനികള്‍ക്കും ഐടി സേവന മേഖലയ്ക്കും നല്‍കിയ ശ്രദ്ധേയമായ സംഭാവനകള്‍ക്കാണ് ഈ വ്യക്തികളെ തിരഞ്ഞെടുത്തിരിക്കുന്നതെന്ന് റിപ്പോര്‍ട്ടില്‍ പറയുന്നു. അനുഭവ സമ്പത്ത്, വ്യവസായത്തിലെ പരിചയം, പ്രൊഫഷണല്‍ നേട്ടങ്ങള്‍, കോര്‍പ്പറേറ്റ്, ഡിവിഷന്‍ പ്രകടനം എന്നിവ അടിസ്ഥാനമാക്കിയാണ് വ്യക്തികളെ അവലോകനം ചെയ്തത്.
38 വയസ്സുകാരിയായ റോഷ്‌നി നാടാര്‍ മല്‍ഹോത്ര പിതാവ് ശിവ് നാഡറിന് പകരമാണ് 1976 ല്‍ പിതാവ് സ്ഥാപിച്ച 9.9 ബില്യണ്‍ ഡോളര്‍ മൂല്യമുള്ള എച്ച്‌സിഎല്‍ ചെയര്‍പേഴ്സണായി മാറിയത്. ഒരു ഇന്ത്യന്‍ ഐടി സേവന കമ്പനിയുടെ ആദ്യ വനിതാ ചെയര്‍പേഴ്സണാണ് റോഷ്‌നി നാടാര്‍. 2018-19ല്‍ 113 ബില്യണ്‍ ഡോളര്‍ വരുമാനമുള്ള ഒരു ഗ്രൂപ്പിന്റെ ഹോള്‍ഡിംഗ് കമ്പനിയായ ടാറ്റ സണ്‍സിന്റെ ചെയര്‍മാനാണ് ആരതി സുബ്രഹ്മണ്യന്‍. ടിസിഎസിലാണ് ഇവര്‍ ഔദ്യോഗിക ജീവിതം ആരംഭിച്ചത്. കമ്പനിയിലെ എക്‌സിക്യൂട്ടീവ് ഡയറക്ടറും ആഗോള ഡെലിവറി എക്‌സലന്‍സ്, ഗവേണന്‍സ് & കംപ്ലയിന്‍സ് മേധാവിയുമായിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്