അബുദാബി നാഷണല്‍ ഇന്‍ഷുറന്‍സ് കമ്പനിയുടെ അറ്റാദായത്തില്‍ വര്‍ധന
അബുദാബി: അബുദാബി നാഷണല്‍ ഇന്‍ഷുറന്‍സ് കമ്പനിയുടെ (അഡ്നിക്) അറ്റാദായത്തില്‍ 133.1 ശതമാനം വര്‍ധന. 2019 ആദ്യപാദത്തിലെ 52.6 മില്യണ്‍ ദിര്‍ഹത്തില്‍ നിന്നും അറ്റാദായം 122.6 മില്യണ്‍ ദിര്‍ഹമായി ഉയര്‍ന്നു. നിലവിലെ വാണിജ്യ സാഹചര്യങ്ങളും ബിസിനസ് തുടര്‍ച്ചാ നടപടികളുമാണ് അഡ്നികിന് നേട്ടമായത്.
പ്രസ്തുത കാലയളവില്‍ പ്രീമിയങ്ങള്‍ 7.7 ശതമാനം വര്‍ധിച്ച് 1.87 ബില്യണ്‍ ദിര്‍ഹത്തിന്റേതായി. നഷ്ടപരിഹാരം അടക്കമുള്ള ബാധ്യതകള്‍ നല്‍കുന്നത് വഴിയുള്ള ലാഭത്തിലും (അണ്ടര്‍റൈറ്റിംഗ് പ്രോഫിറ്റ്) വലിയ വര്‍ധനവാണ് രേഖപ്പെടുത്തിയിരിക്കുന്നത്. അണ്ടര്‍റൈറ്റിംഗ് പ്രോഫിറ്റ് മുന്‍വര്‍ഷത്തെ അപേക്ഷിച്ച് 79.4 ശതമാനം വര്‍ധിച്ച് 151.2 മില്യണ്‍ ദിര്‍ഹമായി. വെല്ലുവിളി നിറഞ്ഞ വിപണി സാഹചര്യങ്ങളെ അതിജീവിക്കാനുള്ള കമ്പനിയുടെ ശേഷിയാണ് ശക്തമാര്‍ന്ന സാമ്പത്തിക പ്രകടനത്തിലൂടെ വെളിവാകുന്നതെന്ന് അഡ്നിക് സിഇഒ അഹമ്മദ് ഇന്ദ്രിസ് അവകാശപ്പെട്ടു.
ജനുവരി തുടക്കം മുതല്‍ മാര്‍ച്ച് അവസാനം വരെയുള്ള മൂന്നുമാസ കാലയളവില്‍, കൊറോണ വൈറസ് പ്രതിരോധത്തിനായുള്ള മാന്‍ 'ടുഗെതര്‍ വി ആര്‍ ഗുഡ്' പരിപാടിക്ക് വേണ്ടി അഡ്നിക് 3 മില്യണ്‍ ദിര്‍ഹം സംഭാവന നല്‍കി. സിഎസ്ആര്‍ (കോര്‍പ്പറേറ്റ് സോഷ്യല്‍ റെസ്പോണ്‍സിബിലിറ്റി) ഉദ്യമങ്ങളിലൂടെ പ്രാദേശിക ജനവിഭാഗങ്ങള്‍ക്കുള്ള സഹായങ്ങള്‍ തുടരുമെന്നും കമ്പനി അറിയിച്ചു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്‍ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്