ഹോപ്‌സ്‌കോച്ച് ലക്ഷ്യമിട്ട് ആമസോണും ഫ്‌ളിപ്കാര്‍ട്ടും

7 years ago

കുട്ടികളുടെ ഉത്പന്നങ്ങള്‍ മാത്രം വില്‍ക്കുന്ന ഓണ്‍ലൈന്‍ വ്യാപാര കമ്പനിയായ ഹോപ്‌സ്‌കോച്ചിന്റെ ഓഹരിക്കായി ആമസോണ്‍ ഫ്‌ളിപ്കാര്‍ട്ടും ഇപ്പോള്‍ ചര്‍ച്ച നടത്തിക്കൊണ്ടിരിക്കുകയാണ്.കുട്ടികളുടെ വസ്ത്രം മാത്രം വില്‍പ്പന നടത്തുന്ന കമ്പനിയുടെ ഓഹരിയാണ് ആഗോള ഓണ്‍ലൈന്‍ ഭീമന്‍മാരായ ഫ്‌ളിപ്കാര്‍ട്ടും, ആമസോണും ലക്ഷ്യമിടുന്നത്. 

അതേസമയം കമ്പനിയുടെ വിപുലീകരണ പദ്ധതികള്‍ക്കായി ഹോപ്‌സ്‌കോച്ച് ലക്ഷ്യമിടുന്നുണ്ട്. 428 കോടി രൂപയുടെ നിക്ഷേപം ഇതിലൂടെനടത്താനാണ് കമ്പനി ലക്ഷ്യമിടുന്നത്. ഹോപ്‌സ്‌കോച്ചിന്റെ വാര്‍ഷിക വരുമാനം 500 കോടി രൂപയോളമാണ്. അതേസമയം രാജ്യത്തെ മൊത്തം വസ്ത്രവ്യാപാര വിപണി മൂല്യം ഏകദേശം 95000 കോടി രൂപയോളം വരുമെന്നാണ് വിലയിരുത്തപ്പെടുന്നത്. ബ്രാന്‍ഡ്  അല്ലാത്ത യൂണിറ്റുകളാണ് ഇതില്‍ ഭൂരിഭാഗവും നിയന്ത്രിക്കപ്പെടുന്നതെന്നാണ് ഇക്കണോമിക് ടൈംസ് റിപ്പോര്‍ട്ട് ചെയ്തിട്ടുള്ളത്. 

കമ്പനിയുടെ വിപണിയിലുള്ള ജാഗ്രതയാണ് നിക്ഷേപരെ ആകര്‍ഷിക്കാനും അടുപ്പിക്കാനുമുള്ള പ്രധാന കാരണം. ഹോപ്‌സ്‌കോച്ചിന്റെ കച്ചവട തന്ത്രവും നിക്ഷേപകരെ ആകര്‍ഷിക്കുന്നതിന് കാരണമായിട്ടുണ്ട്. കുട്ടികളുടെ വസ്ത്ര വ്യാപാര രംഗത്ത് വലിയ മേല്‍ക്കായ്മ സൃഷ്ടിക്കാന്‍ ഹോപ്‌സ്‌കോച്ചിന് സാധ്യമായിട്ടുണ്ട്. 

 

Related Articles