ഇന്ത്യയില്‍ ആമസോണ്‍ മിനി ടിവി അവതരിപ്പിച്ചു; ഇനി സൗജന്യമായി വീഡിയോകള്‍ കാണാം
ന്യൂഡല്‍ഹി: ഇന്ത്യയില്‍ ആമസോണ്‍ മിനി ടിവി അവതരിപ്പിച്ചു. വെബ് സീരീസ്, കോമഡി ഷോകള്‍, ബ്യൂട്ടി വീഡിയോകള്‍, ഫാഷന്‍ വീഡിയോകള്‍ എന്നിവ കാണാന്‍ കഴിയുന്ന വീഡിയോ സ്ട്രീമിംഗ് പ്ലാറ്റ്ഫോമാണ് ആമസോണ്‍ മിനി ടിവി. നിലവിലെ ആമസോണ്‍ ഷോപ്പിംഗ് ആപ്പില്‍ മിനി ടിവി ലഭ്യമായിരിക്കും. എന്നാല്‍ തല്‍ക്കാലം ആന്‍ഡ്രോയ്ഡ് ഉപയോക്താക്കള്‍ക്ക് മാത്രമാണ് വീഡിയോ സ്ട്രീമിംഗ് സേവനം ലഭിക്കുന്നത്.
വീഡിയോകള്‍ സൗജന്യമായി കാണാം. അതുകൊണ്ടുതന്നെ പരസ്യങ്ങള്‍ ഉണ്ടായിരിക്കും. ആമസോണ്‍ ആപ്പിന്റെ ഹോം പേജില്‍ മിനി ടിവി എന്ന് കാണാന്‍ കഴിയും. ഇവിടെ ക്ലിക്ക് ചെയ്താല്‍ മിനി ടിവിയുടെ ലാന്‍ഡിംഗ് പേജില്‍ പ്രവേശിക്കും. പ്രമുഖ യൂട്യൂബ് ക്രിയേറ്റര്‍മാരുടെ ഉള്ളടക്കങ്ങള്‍ ആമസോണ്‍ മിനി ടിവിയില്‍ ഉണ്ടായിരിക്കും.
ആമസോണ്‍ പ്രൈം വീഡിയോയില്‍ നിന്ന് വ്യത്യസ്തമാണ് മിനി ടിവി വീഡിയോ സ്ട്രീമിംഗ് പ്ലാറ്റ്ഫോം. ആമസോണ്‍ മിനി ടിവി സൗജന്യമാണ് എന്നതാണ് പ്രധാന വ്യത്യാസം. പ്രത്യേക ആപ്പാണ് ആമസോണ്‍ പ്രൈം വീഡിയോ. മൂന്ന് മാസത്തിന് 329 രൂപ മുതല്‍ പ്രതിവര്‍ഷം 999 രൂപ വരെ പ്രൈം അംഗത്വം വഴി മാത്രമാണ് ആമസോണ്‍ പ്രൈം വീഡിയോ ഉപയോഗിക്കാന്‍ കഴിയുന്നത്. മാത്രമല്ല, ആമസോണ്‍ ഒറിജിനല്‍സ്, മറ്റ് എക്സ്‌ക്ലുസീവ് ഉള്ളടക്കങ്ങള്‍ എന്നിവ പ്രൈം വീഡിയോ നല്‍കുന്നു. നിലവില്‍ ആന്‍ഡ്രോയ്ഡ് പ്ലാറ്റ്ഫോമില്‍ ആമസോണ്‍ ആപ്പ് ഉപയോഗിക്കുന്നവര്‍ക്ക് ആമസോണ്‍ മിനി ടിവി വീഡിയോ സ്ട്രീമിംഗ് സേവനം ലഭിക്കും. ഐഒഎസ് ആപ്പിലും മൊബീല്‍ വെബിലും വരും മാസങ്ങളില്‍ അവതരിപ്പിക്കുമെന്ന് കമ്പനി അറിയിച്ചു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്