എംസിഎല്‍ആര്‍ നിരക്ക് കുറച്ച് ബാങ്ക് ഓഫ് ബറോഡ; 7.45 ശതമാനമായി
പൊതുമേഖല വായ്പാദാതാവായ ബാങ്ക് ഓഫ് ബറോഡ, ഫണ്ട് അധിഷ്ഠിത വായ്പാ നിരക്കിന്റെ (എംസിഎല്‍ആര്‍) നാമമാത്ര ചെലവ് 0.05 ശതമാനം കുറച്ചതായി ബുധനാഴ്ച പ്രഖ്യാപിച്ചു. ബാങ്കിന്റെ ഫണ്ട് അധിഷ്ഠിത വായ്പാ നിരക്ക് (എംസിഎല്‍ആര്‍) പരിഷ്‌കരിച്ചെന്നും പുതുക്കിയ നിരക്ക് 2020 നവംബര്‍ 12 മുതല്‍ പ്രാബല്യത്തില്‍ വരുമെന്നും റെഗുലേറ്ററി ഫയലിംഗില്‍ ബാങ്ക് ഓഫ് ബറോഡ വ്യക്തമാക്കി. വിജ്ഞാപന പ്രകാരം, ഓട്ടോ, റീട്ടെയില്‍, ഭവന നിര്‍മ്മാണം തുടങ്ങി ഒരു വര്‍ഷത്തെ കാലാവധി മാനദണ്ഡമുള്ള എല്ലാ ഉപഭോക്തൃ വായ്പകളുടെയും എംസിഎല്‍ആര്‍ നിരക്ക് 7.5 ശതമാനത്തില്‍ നിന്ന് 7.45 ശതമാനമായി കുറച്ചിരിക്കുന്നു.
മറ്റുള്ളവയില്‍, ഒറ്റരാത്രികൊണ്ട് ആറ് മാസത്തെ കാലാവധിയുള്ള വായ്പകളിലേക്ക് എംസിഎല്‍ആര്‍ 6.60-7.30 ശതമാനമായി കുറച്ചിട്ടുണ്ടെന്നും ബാങ്ക് അറിയിച്ചു. അതേസമയം, ഈ മാസം ആദ്യം ബാങ്ക് ഓഫ് ബറോഡ സേവന നിരക്കുകള്‍ സംബന്ധിച്ച പുതിയ മാറ്റങ്ങള്‍ പിന്‍വലിച്ചു. പുതിയ ക്യാഷ് ഡെപ്പോസിറ്റും പിന്‍വലിക്കല്‍ ചാര്‍ജുകളും പ്രാബല്യത്തില്‍ വന്നതിന് ശേഷമാണ് റോള്‍ബാക്ക് വന്നത്. 'നിലവിലെ പാന്‍ഡെമിക് സാഹചര്യവും സമ്പദ്വ്യവസ്ഥയെ ബാധിച്ച സ്വാധീനവും കണക്കിലെടുത്ത്, 01.11.2020 മുതല്‍ പ്രാബല്യത്തില്‍ ഉണ്ടായിരുന്ന സേവന ചാര്‍ജുകളില്‍ വരുത്തിയ പുനരവലോകനം പിന്‍വലിക്കാന്‍ ബാങ്ക് ഓഫ് ബറോഡ തീരുമാനിച്ചു. ഇതുവഴി ഉപഭോക്താക്കള്‍ക്ക് സേവനങ്ങള്‍ കൂടുതല്‍ എളുപ്പത്തില്‍ ലഭിക്കും.' ബാങ്ക് ട്വീറ്റ് ചെയ്തു.
'അടിസ്ഥാന സേവനങ്ങളും പണവുമായി ബന്ധപ്പെട്ട സേവന നിരക്കുകള്‍ പരിഷ്‌കരിക്കുന്നതുമായി സംബന്ധിച്ചുള്ള 29.09.2020 എന്ന തീയതിയിലെ ഞങ്ങളുടെ സര്‍ക്കുലര്‍ നമ്പര്‍ എച്ച്ഒ: ബിആര്‍: 112: 393 ഞങ്ങള്‍ പരാമര്‍ശിക്കുന്നു. ഇത് 01.11.2020 തീയതി മുതല്‍ പ്രാബല്യത്തില്‍ വരുന്നതാണ്. നിലവിലെ കൊറോണ വൈറസ് മഹാമാരിയും അത് സമ്പദ്വ്യവസ്ഥയെ ബാധിക്കുന്നതിനെയും കണക്കിലെടുത്ത്, മേല്‍പ്പറഞ്ഞ സര്‍ക്കുലര്‍ ഉടനടി പ്രാബല്യത്തില്‍ പിന്‍വലിക്കാന്‍ തീരുമാനിച്ചു', സര്‍ക്കറിലൂടെ ബാങ്ക് ഓഫ് ബറോഡ വ്യക്തമാക്കി. ബേസിക് സേവിംഗ്‌സ് ബാങ്ക് ഡെപ്പോസിറ്റ് (ബിഎസ്ബിഡി) അക്കൗണ്ടുകളില്‍ സേവന ചാര്‍ജ് ബാധകമല്ലെന്ന് ധനമന്ത്രാലയം ചൊവ്വാഴ്ച വ്യക്തമാക്കിയതിനെ തുടര്‍ന്നാണ് ബാങ്കിന്റെ പ്രസ്താവനയുമെത്തിയത്. സമൂഹത്തിലെ ദരിദ്രരും ബാങ്കിംഗ് ഇല്ലാത്തവരുമായ വിഭാഗങ്ങള്‍ക്കായി ആരംഭിക്കുന്ന ജന്‍ ധന്‍ അക്കൗണ്ടുകള്‍ ഉള്‍പ്പെടെയുള്ള ബേസിക് സേവിംഗ്‌സ് ബാങ്ക് ഡെപ്പോസിറ്റ് (ബിഎസ്ബിഡി) അക്കൗണ്ടുകള്‍ക്ക് ഇതിന്റെ ഗുണം ലഭിക്കും.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള്‍ ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്‍