ടോട്ടലുമായി ഊര്‍ജ കരാറില്‍ ഒപ്പുവെച്ച് ഇറാഖ്
ബാഗ്ദാദ്: ഇറാഖ്, ഫ്രാന്‍സിലെ ടോട്ടലുമായി പ്രധാനപ്പെട്ട ഊര്‍ജ കരാറില്‍ ഒപ്പുവെച്ചു. എണ്ണപ്പാടങ്ങളുടെ വികസനം, വാതകോല്‍പ്പാദനം, വന്‍കിട ഊര്‍ജ അടിസ്ഥാന സൗകര്യങ്ങളുടെ വികസനം, സൗരോര്‍ജ ഉല്‍പ്പാദനം എന്നീ മേഖലകളിലായി നാല് പ്രോജക്ടുകളാണ് കരാറില്‍ ഉള്‍പ്പെടുന്നത്. ഈ പദ്ധതികളെല്ലാം തന്നെ എണ്ണ സമ്പന്ന മേഖലയായ രാജ്യത്തിന്റെ തെക്കന്‍ മേഖലയിലാണെന്ന് കരാറില്‍ ഒപ്പ് വെച്ചതിന് ശേഷം നടത്തിയ പ്രസ്താവനയില്‍ ഇറാഖ് ഇന്ധന കാര്യ മന്ത്രി ഇഷാന്‍ അബ്ദുള്‍-ജബ്ബാര്‍ പറഞ്ഞു.
യഥാര്‍ത്ഥ ഇടപാട് മൂല്യം വെളിപ്പെടുത്തിയിട്ടില്ലെങ്കിലും ഏഴ് ബില്യണ്‍ ഡോളര്‍ ടോട്ടല്‍ രാജ്യത്ത് നിക്ഷേപിക്കുമെന്ന് അബ്ദുള്‍ ജബ്ബാര്‍ പറഞ്ഞു. ഇറാഖിലെ ദേശീയ എണ്ണക്കമ്പനികളും ടോട്ടലും തമ്മിലുള്ള കരാര്‍ ദേശീയ സമ്പദ് വ്യവസ്ഥയുടെ വികസനത്തില്‍ സുപ്രധാന പങ്ക് വഹിക്കുമെന്നും മന്ത്രി കൂട്ടിച്ചേര്‍ത്തു. അന്തിമാനുമതിക്കായി കരാര്‍ മന്ത്രിസഭയ്ക്ക് മുമ്പാകെ സമര്‍പ്പിക്കും.
ഇടപാട് ഇരൂകൂട്ടര്‍ക്കും നേട്ടമുണ്ടാക്കുന്നതാണെന്നും കരാറിലെ രാഷ്ട്രീയവും, ഭരണപരമായ തീരുമാനങ്ങള്‍ ഉടനുണ്ടാകുമെന്നും മന്ത്രി സൂചന നല്‍കി. കഴിഞ്ഞ ഒക്ടോബറിലാണ് ഇറാഖും ടോട്ടലും തമ്മില്‍ ഇടപാട് സംബന്ധിച്ച ചര്‍ച്ചകള്‍ ആരംഭിച്ചത്. തുടര്‍ന്ന് ജനുവരിയില്‍ ഊര്‍ജ മേഖലയിലെ അടിസ്ഥാന സൗകര്യ വികസനത്തിനും വാതകോല്‍പ്പാദനത്തിനുമായി ഇരുകൂട്ടരും ധാരണാപത്രത്തില്‍ ഒപ്പുവെച്ചു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്