ബ്രിട്ടാനിയ ഉൽപ്പന്നങ്ങൾ ലഭ്യമാകും; ഡുൻസോ ഓൺലൈൻ ഡെലിവറി പ്ലാറ്റ്‌ഫോമുമായി കരാറിൽ ഏർപ്പെട്ടു
മുംബൈ: പ്രമുഖ ഭക്ഷ്യ ഉൽപ്പന്ന ബ്രാൻഡായ ബ്രിട്ടാനിയ ഇൻഡസ്ട്രീസ് ചൊവ്വാഴ്ച ഡുൻസോ എന്ന ഓൺലൈൻ ഡെലിവറി പ്ലാറ്റ്‌ഫോമുമായി പങ്കാളിത്ത കരാർ ഉണ്ടാക്കി. ബിസ്‌ക്കറ്റ്, ക്രോയിസന്റ്സ്, നെയ്യ്, ഡയറി വൈറ്റനർ, വേഫർ, മിൽക്ക് ഷെയ്ക്ക് എന്നീ ഉൽപ്പന്ന ശ്രേണികൾ ഉപഭോക്താക്കളിൽ എത്തിക്കുന്നതുമായി ബന്ധപ്പെട്ടാണ് കരാർ.
ടൈഗർ ബിസ്‌ക്കറ്റ് നിർമ്മാതാവായ കമ്പനി, ഡുൻസോ ആപ്ലിക്കേഷന്റെ ഉപയോക്താക്കൾക്ക് ലഭ്യമാകത്തക്ക തരത്തിൽ ബ്രിട്ടാനിയ എസൻഷ്യൽസ് സ്റ്റോർ ആരംഭിച്ചു. ആദ്യ ബാച്ച് വിതരണം ഇന്ന് ബെംഗളൂരുവിൽ ആരംഭിക്കും. മുംബൈ, പൂനെ, ദില്ലി, ഗുഡ്ഗാവ്, ജയ്പൂർ, ഹൈദരാബാദ്, ചെന്നൈ എന്നിവിടങ്ങളിലെ ഉപയോക്താക്കൾക്ക് ഉൽപ്പന്നങ്ങൾ ഉടൻ ലഭ്യമാക്കുമെന്ന് കമ്പനി പ്രസ്താവനയിൽ പറഞ്ഞു.
ഈ ഉൽപ്പന്നങ്ങൾ ബ്രിട്ടാനിയയുടെ വിതരണ കേന്ദ്രങ്ങളിലും ലഭ്യമാകും. കൂടാതെ ചരക്കുകൾ ശരിയായി കൈകാര്യം ചെയ്യുന്നതിനും നഗരങ്ങളിലുടനീളം ഈ ഉൽപ്പന്നങ്ങൾ മികച്ച രീതിയിൽ ലഭ്യമാക്കുന്നതിനും ഡുൻസോ നടപടികൾ സ്വീകരിക്കുമെന്നും ബ്രിട്ടാനിയ പ്രസ്താവനയിൽ പറഞ്ഞു.
രാജ്യത്തുടനീളം, അവശ്യവസ്തുക്കൾക്ക് ആവശ്യക്കാരുണ്ട്. ഈ കാലഘട്ടത്തിൽ കമ്പനികൾ അതിനനുസരിച്ച് ഉയരണം. കോവിഡ് -19 രോഗത്തിനെതിരെ പോരാടുന്നതിന് ഞങ്ങളുടെ രാജ്യത്തെ സഹായിക്കാൻ ഡുൻസോ പ്രതിജ്ഞാബദ്ധരാണെന്ന് ഡുൻസോ സിഇഒയും സഹസ്ഥാപകനുമായ കബീർ ബിശ്വാസ് പറഞ്ഞു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്