മാന്ദ്യം പിടിമുറികയതോടെ ബജറ്റ് കമ്മി ഉയരുമെന്ന് വ്യക്തമാക്കി ധനമന്ത്രി; നടപ്പുവര്‍ഷത്തെ ബജറ്റ് കമ്മി 3.3 ശതമാനത്തില്‍ നിന്ന് 3.5 ശതമാനമായി ഉയരും; ജിഡിപി വളര്‍ച്ച അഞ്ച് ശതമാനമായി ചുരുങ്ങും; രാജ്യത്ത് മാന്ദ്യമുണ്ടെന്ന് സര്‍ക്കാറും സമ്മതിക്കുമ്പോള്‍

5 years ago

ന്യൂഡല്‍ഹി: നടപ്പുവര്‍ഷത്തെ ബജറ്റ് നകമ്മി ഉയരാന്‍ സാധ്യതയുണ്ടെന്നാണ് വിലയിരുത്തല്‍. ബജറ്റ് പ്രസംഗത്തില്‍  ധനമന്ത്രി നിര്‍മ്മ സീതാരമാന്‍  ഇക്കാര്യം സൂചിപ്പിക്കുകയും ചെയ്തിട്ടുണ്ട്. 2019-2020 സാമ്പത്തിക വര്‍ഷത്തെ ബജറ്റ് കമ്മി 3.8 ശതമാനമായി ഉയരുകയും ചെയ്യും. അതേസമയം ജൂലൈയില്‍ അവതരിപ്പിച്ച ബജറ്റില്‍ ധനമന്ത്രി ബജറ്റ് കമ്മി 3.3 ശതമാനമായിരുന്നു വിലയിരുത്തിയിരുന്നത്.  ജിഡിപി വളര്‍ച്ചാ നിരക്ക് 7.5 ശതമാനവുമാണ് കണക്കാക്കിയിരുന്നത്. എന്നാല്‍ ഈ ലക്ഷ്യത്തിലേക്കെത്തില്ലെന്നാണ് വിലയിരുത്തല്‍.  നടപ്പുവര്‍ഷം ജിഡിപി വളര്‍ച്ചാ നിരക്ക് അഞ്ച് ശതമാനത്തിേക്ക് ചുരുങ്ങിയേക്കും.  

അതേസമയം 2020-2021 സാമ്പത്തിക വര്‍ഷത്തെ ബജറ്റ് കമ്മി 3.5 ശതമാനമാകുമെന്നാണ് പറയുന്നത്.  2020-2021 സാമ്പത്തിക വര്‍ഷത്തില്‍ ഇന്ത്യയുടെ ജിഡിപി വളര്‍ച്ചാ നിരക്ക് ആറ് ശതമാനം മുതല്‍ 6.5 ശതമാനം വരെ കൈവരിക്കുമെന്നാണ് ധനമന്ത്രാലയം പാര്‍ലമെന്റില്‍ സമര്‍പ്പിച്ച  ഇക്കണോമിക് സര്‍വേ റിപ്പോര്‍ട്ടിലൂടെ വ്യക്തമാക്കുന്നത്. എന്നാല്‍ രാജ്യം കടുത്ത സാമ്പത്തിക വെല്ലവിളിയിലൂടെയാണ് 2019-2020 സാമ്പത്തിക വര്‍ഷത്തില്‍ കടന്നുപോയത്.  ഉപഭോഗ നിക്ഷേപ മേഖലയെല്ലാം ഏറ്റവും വലിയ തളര്‍ച്ചയിലേക്കാണ് നീങ്ങിയിത്. മാത്രമല്ല, നടപ്പുവര്‍ഷം ഇന്ത്യയുടെ വളര്‍ച്ചാ നിരക്ക് അഞ്ച് ശതമാനത്തിലേക്ക് ചുരുങ്ങിയേക്കുമെന്നാണ് റിപ്പോര്‍ട്ട്.  

2019-2020 സാമ്പത്തിക വര്‍ഷത്തെ ഒന്നാം പാദത്തില്‍ ഇന്ത്യയുടെ വളര്‍ച്ചാ നിരക്ക് അഞ്ച് ശതമാനത്തേക്കാണ് ചുരുങ്ങിയത്. എന്നാല്‍  ജൂലൈ-സെപ്റ്റര്‍ വരെയുള്ള കാലയളവില്‍ ഇന്ത്യയുടെ വളര്‍ച്ചാ നിരക്ക് 4.5 ശതമാനത്തിലേക്കാണ് ചുരുങ്ങിയത്.  ആറര വര്‍ഷത്തിനിടെ രേഖപ്പെടുത്തിയ ഏറ്റവും ചുരുങ്ങിയ വളര്‍ച്ചാ നിരക്കാണത്.  നിലവില്‍ രാജ്യത്ത് തൊഴില്‍ ഭീതിയും പണപ്പെരുപ്പ സമ്മര്‍ദ്ദവും ശക്തവുമാണ്. ഇതിനെ നടപ്പുവര്‍ഷത്തില്‍ മറികടക്കുകയെന്നതാണ് സര്‍ക്കാര്‍ ലക്ഷ്യം.

Related Articles