ഫിബ്രുവരി ഒന്നിന് കേന്ദ്ര ബജറ്റ് അവതരിപ്പിച്ചേക്കും; മാന്ദ്യത്തില്‍ നിന്ന് കരകയറാനുള്ള പുതിയ വഴികള്‍ ഉണ്ടായേക്കും; നിര്‍മ്മലയുടെ ബജറ്റ് പ്രഖ്യാപന പദ്ധതികള്‍ വീണ്ടും പാളുമോ?

6 years ago

ന്യൂഡല്‍ഹി:  2020-2021 സാമ്പത്തിക വര്‍ഷത്തെ പൊതുബജറ്റ് ഫിബ്രുവരി ഒന്നിന് അവതരിപ്പിച്ചേക്കുമെന്ന് റിപ്പോര്‍ട്ട്.  സാമ്പത്തിക സര്‍വേ ഫലം ജനുവരി 31 ന് ധനമന്ത്രാലയം പാര്‍ലമെന്റില്‍ സമര്‍പ്പച്ചേക്കുമെന്നാണ് വിവരം. അതേസമയം കേന്ദ്രസര്‍ക്കാറിന്റെ സാമ്പത്തിക നയങ്ങളില്‍ മാറ്റങ്ങള്‍ വരുത്തിയേക്കില്ല. എന്നാല്‍ ഫിബ്രുവരി ഒന്ന് ശനിയാഴ്ച്ചയായതിനാല്‍ ബജറ്റ് തീയ്യതിയില്‍ മാറ്റങ്ങളുണ്ടാകുമെന്ന വാര്‍ത്തകളും നേരത്തെ പരന്നിരുന്നു. എന്നാല്‍ ബജറ്റ് ഫിബ്രുവരി ഒന്നിന് തന്നെ കേന്ദ്രസര്‍ക്കാര്‍ അവതരിപ്പിച്ചേക്കുമെന്നാണ് റിപ്പോര്‍ട്ട്.  അഞ്ച് ട്രില്യണ്‍ സമ്പദ് വ്യവസ്ഥ ലക്ഷ്യമിട്ട് രാജ്യത്ത് കൂടുതല്‍ പദ്ധതികള്‍ നടപ്പിലാക്കാനാണ് കേന്ദ്രസര്‍ക്കാര്‍ പദ്ധതിയിടുന്നത്. 

അതസമയം രണ്ടാം മോദി സര്‍ക്കാര്‍ രാജ്യത്തെ ധനസ്ഥിതി വ്യക്തമാക്കി 2019 ലെ ഇക്കണോമിക് സര്‍വേ ഫലം പാര്‍ലമെന്റില്‍ അവതരിപ്പിച്ചത് ജൂലൈ നാലിനായിരുന്നു.  ജൂലൈ അഞ്ചിന് പൊതുബജറ്റും അവതരിപ്പിക്കപ്പെട്ടു. 2030 ഓടെ രാജ്യത്തെ 10 ട്രില്യണ്‍ ഡോളര്‍ വലിപ്പമുള്ള സാമ്പത്തിക ശക്തിയാക്കുമെന്ന പ്രഖ്യാപനത്തിലൂന്നിയാണ് കേന്ദ്രസര്‍ക്കാരിന്റെ പ്രവര്‍ത്തനം. എന്നാല്‍ കേന്ദ്രസര്‍ക്കാറിന് വിവിധ പദ്ധതികള്‍ക്കാവശ്യമായ ഫണ്ടില്ലാത്ത സാഹചര്യമാണ് ഇപ്പോള്‍ രൂപപ്പെട്ടിട്ടുള്ളത്. വന്‍ ലാഭത്തില്‍  പ്രവര്‍ത്തിക്കുന്ന ബിപിസിഎല്‍ അടക്കമുള്ള കമ്പനികളില്‍ സ്വകാര്യവത്ക്കരണം ശക്തമാക്കി ഫണ്ടുകള്‍ കണ്ടെത്താനുള്ള നീക്കത്തിലാണ് കേന്ദ്രസര്‍ക്കാര്‍. 

കേന്ദ്രസര്‍ക്കാറിന് ലക്ഷ്യത്തിലെത്തണമെങ്കില്‍ മൊത്ത ആഭ്യന്തര ഉല്‍പ്പാദനത്തിന്റെ (ജിഡിപി) ഏഴ്-എട്ട് ശതമാനവും അടിസ്ഥാന സൗകര്യ വികസന രംഗത്ത് ചെലവഴിക്കേണ്ടി വരും. എന്നാല്‍ 2022 ഓടെ അഞ്ച് ട്രില്യണ്‍ ഡോളര്‍ സമ്പദ് വ്യവസ്ഥ ലക്ഷ്യമിട്ടുള്ള പദ്ധതികളില്‍ വന്‍ തിരിച്ചടി നേരിട്ടിട്ടുണ്ടെന്നാണ് വിലയിരുത്തല്‍. ബാങ്കിങ് ഇതര ധനകാര്യ സ്ഥാപനങ്ങളെല്ലാം ഇപ്പോഴും വലിയ  തളര്‍ച്ചയിലൂടെ മുന്‍പോട്ട് പോകുന്നത്. 

Related Articles