ബജറ്റിന് മുന്നോടിയായി ഹല്‍വ ചടങ്ങ് നടന്നു; ഈ വര്‍ഷം ബജറ്റിന് കടലാസ് പതിപ്പുകള്‍ ഇല്ല

4 years ago

ന്യൂഡല്‍ഹി: ബജറ്റ് നിര്‍മ്മാണ പ്രക്രിയയുടെ അവസാന ഘട്ടത്തെ അടയാളപ്പെടുത്തുന്ന ഹല്‍വ ചടങ്ങ് പാര്‍ലമെന്റിന്റെ നോര്‍ത്ത് ബ്ലോക്കില്‍ കേന്ദ്ര ധനകാര്യ, കോര്‍പ്പറേറ്റ് കാര്യ മന്ത്രി നിര്‍മല സീതാരാമന്റെ സാന്നിധ്യത്തില്‍ നടന്നു. ബജറ്റ് തയ്യാറെടുപ്പുകളുടെ 'ലോക്ക്-ഇന്‍' പ്രക്രിയയ്ക്ക് മുമ്പായി എല്ലാ വര്‍ഷവും പതിവായി ഹല്‍വ ചടങ്ങ് നടത്തും. നോര്‍ത്ത് ബ്ലോക്കിന്റെ ബേസ്‌മെന്റില്‍ ബജറ്റ് വിശദാംശങ്ങള്‍ അന്തിമമാക്കുന്നതിനും അച്ചടി ആരംഭിക്കുന്നതിനും മുന്നോടിയായാണ് ഈ ചടങ്ങ് നടത്താറുളളത്. ഈ വര്‍ഷം ബജറ്റിന് കടലാസ് പതിപ്പുകള്‍ ഉണ്ടാകില്ല.

ഇത്തവണ കൊവിഡ് പശ്ചത്തലത്തില്‍ ബജറ്റ് അവതരണത്തില്‍ നിരവധി മാറ്റങ്ങളാണ് വരുത്തിട്ടുളളത്. അതിനാല്‍ ഈ വര്‍ഷം ഹല്‍വാ ചടങ്ങ് നടത്തില്ലെന്നായിരുന്നു ആദ്യം കരുതിയിരുന്നത്. എന്നാല്‍, രാജ്യത്ത് കൊവിഡ് കേസുകള്‍ നിയന്ത്രണമായതിനാലും മറ്റ് സുരക്ഷ ക്രമീകരണത്തോടും ഹല്‍വാ ചടങ്ങ് സംഘടിപ്പിക്കാന്‍ കേന്ദ്രം പിന്നീട് തീരുമാനിക്കുകയായിരുന്നു. അതിനാലാണ് ചടങ്ങ് വൈകിയത്.

എം പിമാര്‍ക്കും&ിയുെ;പൊതുജനങ്ങള്‍ക്കും&ിയുെ;ബജറ്റ് രേഖകള്‍ തടസ്സമില്ലാതെ ലഭ്യമാക്കാന്‍ ധനകാര്യ മന്ത്രാലയം 'യൂണിയന്‍ ബജറ്റ് മൊബൈല്‍ ആപ്പ്' സേവനം ആരംഭിച്ചു. ഫെബ്രുവരി ഒന്നിന് ധനമന്ത്രി ബജറ്റ് പ്രസംഗം പൂര്‍ത്തിയാക്കിയ ശേഷം ബജറ്റ് രേഖകള്‍ അപ്ലിക്കേഷനില്‍ ലഭ്യമാകും. ചടങ്ങുകള്‍ക്ക് ശേഷം, 2021-22 ലെ കേന്ദ്ര ബജറ്റ് സമാഹാരത്തിന്റെ സ്ഥിതി അവലോകനം ചെയ്യുകയും ബന്ധപ്പെട്ട ഉദ്യോഗസ്ഥര്‍ക്ക് ധനമന്ത്രി ആശംസകള്‍ അറിയിക്കുകയും ചെയ്തു. പാര്‍ലമെന്റിലെ ബജറ്റ് സമ്മേളനം ജനുവരി 29 മുതല്‍ ആരംഭിക്കും. 2021-22 സാമ്പത്തിക വര്‍ഷത്തിലെ ബജറ്റ് അവതരണം ഫെബ്രുവരി ഒന്നിനാണ്. ബജറ്റ് സമ്മേളനത്തിന്റെ ആദ്യഘട്ടം ഫെബ്രുവരി 15 വരെയാണ് നടക്കുക.

Related Articles