എപിക് ഓണ്‍ലൈന്‍ റീഡിങ് പ്ലാറ്റ്‌ഫോമിനെ ഏറ്റെടുക്കാന്‍ ബൈജൂസ്
ബെംഗളൂരു: അമേരിക്ക ആസ്ഥാനമായി പ്രവര്‍ത്തിക്കുന്ന എപിക് എന്ന ഓണ്‍ലൈന്‍ റീഡിങ് പ്ലാറ്റ്‌ഫോമിനെ ഏറ്റെടുക്കാന്‍ ബൈജൂസ് ആലോചിക്കുന്നതായി വാര്‍ത്ത. അമേരിക്കന്‍ വിപണിയില്‍ അടിവെച്ചടിവെച്ച് മുന്നേറാനുള്ള ശ്രമത്തിന്റെ ഭാഗമായാണ് ബൈജൂസിന്റെ ഈ നീക്കം. 250 പബ്ലിഷേര്‍സിന്റേതായി 40000ത്തിലധികം പുസ്തകങ്ങള്‍ ഉള്ള ഒരു പ്ലാറ്റ്‌ഫോമാണ് എപിക്. 12 വയസില്‍ താഴെയുള്ള കുട്ടികളുടെ വിദ്യാഭ്യാസം ലക്ഷ്യമിട്ടാണ് ഇതിന്റെ പ്രവര്‍ത്തനം.
300 ദശലക്ഷം ഡോളറിന്റേതാണ് ഇടപാടെന്ന് ടെക് ക്രഞ്ച് റിപ്പോര്‍ട്ട് ചെയ്യുന്നു. കഴിഞ്ഞ വര്‍ഷം 20 ദശലക്ഷം കുട്ടികള്‍ വായനക്കാരുണ്ടായ ഇടത്ത് നിന്ന് 50 ദശലക്ഷം കുട്ടികള്‍ വായനക്കാരായുള്ള കമ്പനിയായി എപിക് വളര്‍ന്നു. കഴിഞ്ഞ വര്‍ഷം മാത്രം കുട്ടികള്‍ ഒരു ബില്യണ്‍ പുസ്തകങ്ങളാണ് എപികില്‍ നിന്ന് വായിച്ചത്.
പത്ത് ലക്ഷത്തിലേറെ അധ്യാപകരും ഈ പ്ലാറ്റ്‌ഫോമിനെ ആശ്രയിക്കുന്നുണ്ട്. ഇടപാട് യാഥാര്‍ത്ഥ്യമാവുകയാണെങ്കില്‍ അമേരിക്കന്‍ വിപണിയില്‍ നിന്ന് ബൈജൂസ് ഏറ്റെടുക്കുന്ന രണ്ടാമത്തെ കമ്പനിയാവും ഇത്. 2019 ലാണ് ബൈജൂസ് അമേരിക്ക ആസ്ഥാനമായി പ്രവര്‍ത്തിക്കുന്ന ഒസ്മൊ എന്ന ഗെയിമിങ് കമ്പനിയെ ഏറ്റെടുത്തത്. 120 ദശലക്ഷം ഡോളര്‍ മൂല്യമുള്ളതായിരുന്നു ഇടപാട്. കഴിഞ്ഞ വര്‍ഷം ഓഗസ്റ്റില്‍ ബൈജൂസ് മുംബൈ ആസ്ഥാനമായി പ്രവര്‍ത്തിക്കുന്ന വൈറ്റ് ഹാറ്റ് ജൂനിയര്‍ എന്ന സ്ഥാപനവും ഏറ്റെടുത്തിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്