വന്‍ നേട്ടവുമായി കെയര്‍സ്റ്റാക് സ്റ്റാര്‍ട്ടപ്പ്; 167 കോടി രൂപയുടെ നിക്ഷേപം കൂടി വാരിക്കൂട്ടി
തിരുവനന്തപുരം: ടെക്‌നോപാര്‍ക്കില്‍ 6 വര്‍ഷം മുന്‍പു തിരുവനന്തപുരം സ്വദേശികളായ യുവാക്കള്‍ ചേര്‍ന്ന് ആരംഭിച്ച 'കെയര്‍സ്റ്റാക്' സ്റ്റാര്‍ട്ടപ്പില്‍ 167 കോടി രൂപയുടെ നിക്ഷേപം കൂടി. ഇതുവരെ 447 കോടി രൂപയോളമാണു ഫണ്ടിങ്ങിലൂടെ കെയര്‍സ്റ്റാക് സമാഹരിച്ചത്. കേരളത്തില്‍ ഏറ്റവും ഉയര്‍ന്ന മൂല്യമുള്ള സ്റ്റാര്‍ട്ടപ് എന്ന പദവിയും കെയര്‍സ്റ്റാക്കിനു സ്വന്തമാണ്. യുഎസിലെ സ്റ്റെഡ്‌വ്യു ക്യാപിറ്റല്‍, ഡെല്‍റ്റ ഡെന്റല്‍, ആക്‌സല്‍ പാര്‍ട്‌ണേഴ്‌സ്, എയിറ്റ് റോഡ്‌സ്, എഫ്‌പ്രൈം ക്യാപിറ്റല്‍ എന്നീ പ്രമുഖ സ്ഥാപനങ്ങളാണ് ഇത്തവണ നിക്ഷേപം നടത്തിയത്.
2019 ല്‍ ഇതേ നിക്ഷേപകര്‍ 200 കോടി രൂപ കെയര്‍സ്റ്റാക്കില്‍ നിക്ഷേപിച്ചിരുന്നു. ഫെയ്‌സ്ബുക്കിലെ ആദ്യകാല നിക്ഷേപകരിലൊന്നാണ് ആക്‌സല്‍ പാര്‍ട്‌ണേഴ്‌സ്. യുഎസിലെ ഡെന്റല്‍ വ്യവസായത്തില്‍ ക്ലൗഡ് അധിഷ്ഠിത സേവനം നല്‍കുന്ന സ്ഥാപനമാണു കെയര്‍സ്റ്റാക്. 2015 ല്‍ അഭിലാഷ് കൃഷ്ണ, അര്‍ജുന്‍ സതീഷ്, കെ.വി.ജയസൂര്യന്‍, വരുണ്‍ നെല്‍സണ്‍ എന്നിവര്‍ ചേര്‍ന്നു ഗുഡ് മെതേഡ്‌സ് ഗ്ലോബല്‍ എന്ന പേരിലാണു കമ്പനി ആരംഭിച്ചത്. പിന്നീടു കെയര്‍സ്റ്റാക് എന്നു പേരു മാറ്റി.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്