ഇനി ടോള്‍പ്ലാസകളില്‍ വാഹനത്തിന്റെ സ്പീഡ് കുറയ്‌ക്കേണ്ട;പുതിയ നിര്‍ദേശവുമായി കേന്ദ്രം
ദില്ലി: ടോള്‍ പ്ലാസകളില്‍ ഫാസ്റ്റ്ടാഗ് സംവിധാനം പൂര്‍ണമായി നടപ്പിലാക്കാന്‍ ഇനി ദിവസങ്ങള്‍ മാത്രം ബാക്കിനില്‍ക്കെ വാഹനഗതാഗതം സുഗമമാക്കാന്‍ പുതിയ നിര്‍ദേശവുമായി കേന്ദ്രസര്‍ക്കാര്‍. ടോള്‍ പ്ലാസകളില്‍ വേഗത കുറയ്ക്കാന്‍ നിര്‍മിച്ചിരിക്കുന്ന സ്പീഡ് ബ്രേക്കര്‍ ഉള്‍പ്പെടെയുള്ള സംവിധാനങ്ങള്‍ അടിയന്തരമായി നീക്കം ചെയ്യാന്‍ കേന്ദ്രസര്‍ക്കാര്‍ നിര്‍ദേശിച്ചു.ഫാസ്റ്റ്ടാഗ് സംവിധാനത്തിലേക്ക് പൂര്‍ണമായി മാറുന്നതിന്റെ ഭാഗമായാണ് കേന്ദ്രസര്‍ക്കാരിന്റെ നടപടി. ജനുവരി 15ന് ശേഷം ഇലക്ട്രോണിക് പേയ്‌മെന്റ് സംവിധാനമായ ഫാസ്റ്റ്ടാഗ് ഓരോ വാഹന ഉടമയുടെയും കൈവശം വേണമെന്നാണ് കേന്ദ്രസര്‍ക്കാര്‍ നിര്‍ദേശം. ഫാസ്റ്റ്ടാഗ് ഇല്ലാതെ വാഹനവുമായി വരുന്നവര്‍ ഇരട്ടിതുക ടോള്‍ പ്ലാസകളില്‍ അടച്ച് പോകേണ്ടിവരും. അതിനായി പ്രത്യേകലൈന്‍ സ്ഥാപിക്കുന്നുണ്ട് .
അതിനിടെയാണ് ടോള്‍ പ്ലാസകളിലെ വാഹനഗതാഗതം സുഗമമാക്കാന്‍ സ്പീഡ് ബ്രേക്കര്‍,വാഹന ഉടമകള്‍ക്ക് വാഹനത്തിന്റെ വേഗത കുറയ്ക്കണമെന്ന് മുന്നറിയിപ്പ് നല്‍കുന്ന ചെറിയ ഹമ്പുകളുടെ നിരയായ റബിള്‍സ്ട്രിപ്പ്‌സ് എന്നിവ ഉടന്‍ തന്നെ നീക്കം ചെയ്യാന്‍ കേന്ദ്രസര്‍ക്കാര്‍ നിര്‍ദേശം നല്‍കിയത്. നിലവില്‍ ടോള്‍പ്ലാസകളില്‍ പണം അടക്കുന്നത് ഒഴിവാക്കി കടന്നുകളയുന്നത് തടയുന്നതിന്റെ ഭാഗമായാണ് സ്പീഡ് ബ്രേക്കറുകള്‍ സ്ഥാപിച്ചിരിക്കുന്നത്. അതുകൊണ്ട് തന്നെ ടോള്‍ കൊടുക്കേണ്ട സ്ഥലം എത്തുമ്പോളഅ# വാഹനങ്ങളുടെ വേഗത കുറയും. പലപ്പോഴും വാഹനങ്ങള്‍ കടന്നുപോകാന്‍ കൂടുതല്‍ സമയമെടുക്കുന്നത് കാരണം ടോള്‍പ്ലാസകളില്‍ വാഹനങ്ങളുടെ നീണ്ടനിര പ്രത്യേക്ഷപ്പെടാറുണ്ട്. ഇത് ഒഴിവാക്കി ദേശീയപാതയില്‍ വാഹനഗതാഗതം സുഗമമാക്കുന്നതിന്റെ ഭാഗമായാണ് പുതിയ പരിഷ്‌കാരം കൊണ്ടുവരുന്നത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്