13 വിമാനത്താവളങ്ങള് കൂടി സ്വകാര്യവത്കരിക്കാനൊരുങ്ങി കേന്ദ്രം; നടപ്പ് സാമ്പത്തിക വര്ഷം തന്നെ നടപടികള് പൂര്ത്തിയാക്കും
സര്ക്കാരിന്റെ കീഴില് പ്രവര്ത്തിക്കുന്ന 13 വിമാനത്താവളങ്ങളുടെ സ്വകാര്യവത്കരണ നടപടികള് നടപ്പ് സാമ്പത്തിക വര്ഷം അവസാനത്തോടെ പൂര്ത്തിയാക്കും. എയര്പോര്ട്ട് അതോറിറ്റി ഓഫ് ഇന്ത്യയുടെ മേല്നോട്ടത്തിലുള്ള ഈ വിമാനത്താവളങ്ങള് പൊതു-സ്വകാര്യ പങ്കാളിത്തത്തോടെയാകും ഭാവിയില് പ്രവര്ത്തിക്കുക.
ലേല നടപടികളുമായി മുന്നോട്ടുപോകുന്നതിന്റെ ഭാഗമായി വിമാനത്താവളങ്ങളുടെ പട്ടിക വ്യോമയാന മന്ത്രാലയത്തിന് കൈമാറിയിട്ടുണ്ട്. 50 വര്ഷത്തേക്കായിരിക്കും സ്വകാര്യ നടത്തിപ്പുകാര്ക്ക് എയര്പോര്ട്ടുകള് കൈമാറുക. ഏഴ് ചെറിയ വിമാനത്താവളങ്ങളെ ആറ് വലിയ എയര്പോര്ട്ടുകളുമായി ചേര്ത്താകും സ്വകാര്യ നിക്ഷേപം സ്വീകരിക്കുക. വാരണാസി, അമൃത്സര്, ഭൂവനേശ്വര്, റായ്പുര്, ഇന്ഡോര്, ട്രിച്ചി എന്നിവയോടൊപ്പമാകും ചെറിയ വിമാനത്താവളങ്ങളെ ഉള്പ്പെടുത്തുക.
കോവിഡിനെ തുടര്ന്ന് വിമാനത്താവളങ്ങളില് നിന്നുള്ള വരുമാനത്തില് കാര്യമായ ഇടിവുണ്ടായിട്ടുണ്ടെന്നും അത് ഹ്രസ്വകാലത്തേക്കുമാത്രമാണെന്നുമാണ് വിലയിരുത്തല്. നാലുവര്ഷത്തിനുള്ളില് 25 വിമാനത്താവങ്ങള് ഇത്തരത്തില് സ്വകാര്യവത്കരിക്കാനാണ് സര്ക്കാര് ലക്ഷ്യമിടുന്നത്. നിലവിലെ 13 എയര്പോര്ട്ടുകള് ഉള്പ്പടെയാണിത്. 2019ല് അദാനി ഗ്രൂപ്പിന് രാജ്യത്തെ ആറ് പ്രധാന വിമാനത്താവളങ്ങള് കൈമാറിയിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്