ചിപ്പ് ക്ഷാമം: വാഹന നിര്‍മാതാക്കള്‍ക്ക് തിരിച്ചടി; 110 ബില്യണ്‍ ഡോളറിന്റെ കുറവുണ്ടാകും
ആഗോളതലത്തിലെ ചിപ്പ് ക്ഷാമം വാഹന നിര്‍മാതാക്കളുടെ വരുമാനത്തെ സാരമായി ബാധിക്കും. 2021 ലെ വരുമാനത്തില്‍ 110 ബില്യണ്‍ ഡോളറിന്റെ കുറവുണ്ടാകുമെന്ന് കണ്‍സള്‍ട്ടിംഗ് കമ്പനിയായ അലിക്സ് പാര്‍ട്ണേഴ്സ് പറഞ്ഞു. നേരത്തെ 61 ബില്യണ്‍ ഡോളറിന്റെ കുറവുണ്ടാകുമെന്നായിരുന്നു പ്രതീക്ഷിച്ചിരുന്നത്. ഈ പ്രതിസന്ധി 3.9 ദശലക്ഷം വാഹനങ്ങളുടെ നിര്‍മാണത്തെ ബാധിക്കുമെന്നും അലിക്സ് പാര്‍ട്ണേഴ്സ് ചൂണ്ടിക്കാട്ടുന്നു.
സെമികണ്ടക്ടേഴ്സ് നിര്‍മാതാക്കളുമായി നേരിട്ടുള്ള ബന്ധം വളര്‍ത്തിയെടുക്കാനാണ് വാഹന നിര്‍മാതാക്കള്‍ ഇപ്പോള്‍ ശ്രമിക്കുന്നതെന്ന് അലിക്സ് പാര്‍ട്ണേഴ്സ് ആഗോള ഓട്ടോമോട്ടീവ് പരിശീലനത്തിന്റെ സഹനേതാവ് മാര്‍ക്ക് വേക്ക്ഫീല്‍ഡ് പറഞ്ഞു. ദീര്‍ഘകാലത്തേക്ക് സെമികണ്ടക്ടറുകളും മറ്റ് അസംസ്‌കൃത വസ്തുക്കളും വാങ്ങുന്നതിനും അത്തരം കരാറുകളുടെ സാമ്പത്തിക ബാധ്യതകള്‍ ഏറ്റെടുക്കുന്നതിനും വാഹന നിര്‍മാതാക്കള്‍ മുന്‍കാലങ്ങളില്‍ വിമുഖത കാണിച്ചിരുന്നുവെന്ന് വേക്ക്ഫീല്‍ഡ് പറഞ്ഞു.
അതേസമയം സെമികണ്ടക്ടേഴ്സ് ക്ഷാമം മറികടക്കുന്നതിനുള്ള ശ്രമങ്ങളും വാഹന നിര്‍മാതാക്കള്‍ നടത്തുന്നുണ്ട്. കൂടുതല്‍ ലഭ്യമാവുന്ന ചിപ്പുകള്‍ ഉപയോഗിക്കുന്നതിന് ഓട്ടോമോട്ടീവ് ഭാഗങ്ങള്‍ പുനര്‍രൂപകല്‍പ്പന ചെയ്യുകയാണെന്ന് ഫോര്‍ഡ് മോട്ടോര്‍ കമ്പനി വ്യാഴാഴ്ച പറഞ്ഞിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്