വന് വികസനത്തിനൊരുങ്ങി സിറ്റി ബാങ്ക് ഇന്കോര്പറേറ്റഡ്; 6000 പേര്ക്ക് തൊഴില് വാഗ്ദാനം
ന്യൂഡല്ഹി: വന് വികസനത്തിനൊരുങ്ങി സിറ്റി ബാങ്ക് ഇന്കോര്പറേറ്റഡ്. ഏഷ്യയിലെമ്പാടും അടുത്ത മൂന്ന് വര്ഷത്തിനുള്ളില് ആറായിരം യുവാക്കള്ക്ക് ജോലി കൊടുക്കുമെന്നാണ് പ്രഖ്യാപനം. 24 വയസിന് താഴെയുള്ള 60000 പേര്ക്ക് ട്രെയിനിങ് നല്കുമെന്നും കമ്പനി വ്യക്തമാക്കിയിട്ടുണ്ട്.
ഏഷ്യയിലെ വരുമാനം കുറഞ്ഞ സമൂഹങ്ങള്ക്ക് ഉപകാരപ്പെടുന്ന വിധം 35 ദശലക്ഷം ഡോളര് 2023 നുള്ളില് നിക്ഷേപിക്കാനാണ് ബാങ്കിന്റെ തീരുമാനം. ഏഷ്യാ-പസഫിക് മേഖലയിലാണ് ലോകത്തിലെ പാതിയോളം യുവാക്കളും ഉള്ളത്. ഏതാണ്ട് 70 കോടിയോളം വരുമിത്. ഇത്ര തന്നെ വലിപ്പമുണ്ട് മേഖലയില് തൊഴിലില്ലാതെ കഷ്ടപ്പെടുന്നവരുടെ എണ്ണത്തിനും.
നോര്ത്ത് അമേരിക്ക കഴിഞ്ഞാല് ഏഷ്യാ-പസഫിക് മേഖലയിലാണ് കമ്പനിക്ക് ഏറ്റവും കൂടുതല് വരുമാനമുള്ളത്. ബാങ്കിന്റെ 25 ശതമാനം വേതനവും ഈ മേഖലയില് നിന്നാണ്. ഓഹരി വിപണി മുതല് സാധാരണ ബാങ്കിങ് ഇടപാട് വരെയുള്ള സേവനങ്ങളാണ് മൂന്ന് വര്ഷത്തിനുള്ളില് ഈ മേഖലയില് നടപ്പാക്കാന് ഒരുങ്ങുന്നത്. ഏഷ്യാ-പസഫിക് മേഖലയിലെമ്പാടും റിക്രൂട്ട്മെന്റ് നടത്തുമെങ്കിലും ദക്ഷിണ പൂര്വ ഏഷ്യയിലാവും ജോലി നല്കുകയെന്നാണ് കമ്പനി വൃത്തങ്ങള് വ്യക്തമാക്കുന്നത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്