കൊക്കക്കോള വിപണിയില് ചുവടുറപ്പിക്കുന്നു; ബോഡി ആര്മറിനെ ഏറ്റെടുത്തേക്കും
കാര്ബണേറ്റഡ് ശീതള പാനിയ നിര്മതാക്കളായ കൊക്കക്കോള വിപണിയില് പിടിമുറുക്കുന്നു. ശൃംഖല വിപുലീകരിക്കുന്നതിന്റെ ഭാഗമായി സ്പോര്ട്സ് പാനിയ ഗ്രൂപ്പായ ബോഡി ആര്മറിനെ കൊക്കക്കോള ഏറ്റെടുത്തേക്കുമെന്നാണു റിപ്പോര്ട്ട്. ഏകദേശം 560 കോടി ഡോളറിന്റെ ആണ് ഇടപാട്. നിലവില് ബോഡി ആര്മറിന്റെ 30 ശതമാനം ഓഹരികള് കൊക്കക്കോളയുടെ പക്കലാണ്. ബോഡി ആര്മറിന്റെ സ്ഥാപകരുടെ പക്കലുള്ള ഓഹരികള്ക്കു പുറമേ വിപണിയിലുള്ള ഓഹരികളും ഏറ്റെടുക്കുമെന്നാണു വിവരം. കായിക മേഖലയിലെ നിരവധി പ്രഫഷണലുകള്ക്കും ബോഡി ആര്മറില് നിക്ഷേപമുണ്ട്.
2020 ന്റെ തുടക്കത്തില് ഒരു ഹെലികോപ്റ്റര് അപകടത്തില് മരണപ്പെട്ട ബാസ്ക്കറ്റ്ബോള് താരം കോബി ബ്രയാന്റ് ആണ് ബോഡി ആര്മറിന് തുടക്കമിട്ടത്. 2011 ലാണ് കോബി ബോഡി ആര്മര് ആരംഭിച്ചത്. 60 ലക്ഷം ഡോളറിന്റെ നിക്ഷേപമാണ് അദ്ദേഹത്തിനു കമ്പനിയിലുള്ളത്. കൊക്കക്കോളയുടെ ഏറ്റെടുപ്പ് ഏത് തരത്തിലാകുമെന്ന കാര്യത്തില് വ്യക്തതയില്ല. വാര്ത്തകളുമായി പ്രതികരിക്കാനും കമ്പനി തയ്യാറായിട്ടില്ല. പെപ്സികോയുടെ ഉടമസ്ഥതയില് പുറത്തിറങ്ങുന്ന സ്പോര്ട്സ് ഡ്രിങ്ക് ആയ ഗറ്റോറേഡിന്റെ പ്രധാന പതിരാളിയാണ് ബോഡി ആര്മര്. കമ്പനി കൊക്കക്കോളയില് എത്തുന്നതോടെ മത്സരം രണ്ടു ബഹുരാഷ്ട്ര കുത്തകകള് തമ്മിലായി മാറും.
കൊക്കക്കോളയുടെ നിക്ഷേപം എത്തുന്നതോടെ ഇക്കൊല്ലം വില്പ്പന 140 കോടി ഡോളറായി വര്ധിക്കുമെന്നാണു ബോഡി ആര്മറിന്റെ വിലയിരുത്തല്. നിലവില് 800 കോടി ഡോളറിന്റെ വിപണിമൂല്യമാണ് ബോഡി ആര്മര് അവകാശപ്പെടുന്നത്. അടുത്തിടെ ഒരു ഫുട്ബോള് മത്സരത്തിനു മുന്നോടിയായുള്ള മാധ്യമ സെക്ഷനില് സാക്ഷാല് ക്രിസ്ത്യനോ റൊണാള്ഡോ വേദിയിലിരുന്ന രണ്ട് കൊക്കക്കോള കുപ്പികള് എടുത്തുമാറ്റി വെള്ളം ആവശ്യപ്പെട്ടത് സാമൂഹിക മാധ്യമങ്ങളില് വന് ചര്ച്ചയായിരുന്നു. ഈ സംഭവം കൊക്കക്കോളയുടെ ഓഹരി വിലയിലടക്കം വന് ഇടിവ് വരുത്തിയിരുന്നു. കോവിഡിനെ തുടര്ന്ന് തളര്ച്ച നേരിടുന്ന കമ്പനി പുതിയ തന്ത്രങ്ങള് പയറ്റി വിപണി തിരിച്ചുപിടിക്കാനുള്ള നീക്കത്തിലാണ്. ഇതിന്റെ ഭാഗമായാണ് പുതിയ ഏറ്റെടുപ്പുകള്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്