യുഎസിലും സ്വദേശിവത്കരണം; ഉയര്‍ന്ന ശമ്പളം വാങ്ങുന്ന ജീവനക്കാരെ പിരിച്ചുവിടാന്‍ കോഗ്നിസെന്റ്

5 years ago

മുംബൈ: കോഗ്നിസെന്റ് ജീവനക്കാരെ പിരിച്ചുവിടല്‍ രണ്ടാംഘട്ടത്തിലേക്ക്. ഇത്തവണ പ്രതിവര്‍ഷവേതനം 80 ലക്ഷം മുതല്‍ 1.2 കോടിരൂപ വരെ  ശമ്പളം വാങ്ങുന്ന ഉന്നത ഉദ്യോഗസ്ഥരെയാണ് പിരിച്ചുവിടുന്നത്. അതും 35 പേരെയാണ് ഈ ഘട്ടത്തില്‍ ഒഴിവാക്കുന്നത്. നേരത്തെ ഉന്നത ഉദ്യോഗസ്ഥരെ പിരിച്ചുവിടുമെന്ന് അഭ്യൂഹങ്ങളുണ്ടായിരുന്നെങ്കിലും നടപ്പാക്കിയിരുന്നില്ല.പിരിച്ചുവിടപ്പെടുന്നവര്‍ വിദേശത്ത് ജോലി നോക്കുന്നവരാണെന്നാണ് സൂചന. യുഎസ് സര്‍ക്കാര്‍ നടപ്പിലാക്കിയ തൊഴില്‍ നിയമങ്ങള്‍ വിനയായതാണ് പുതിയ പിരിച്ചുവിടലിലേക്ക് നയിച്ചതെന്നാണ് വിവരം.

കൂടുതല്‍ അമേരിക്കക്കാര്‍ക്ക് ജോലി നല്‍കണമെന്ന സാഹചര്യമാണ് ഇപ്പോള്‍ വിദേശ കമ്പനികള്‍ക്ക് ബാധ്യതയായി വന്നിരിക്കുന്നത്. വിദേശരാജ്യങ്ങള്‍ സ്വദേശിവത്കരണത്തിലേക്ക് നീങ്ങുന്നതിന്റെ ഭാഗമായാണ് നല്ലൊരുവിഭാഗം ജീവനക്കാരെയും പിരിച്ചുവിട്ട് കമ്പനികള്‍ ചെലവ് ചുരുക്കുകയാണ്. നേരത്തെ ഇന്‍ഫോസിസും തങ്ങളുടെ ഉന്നത ശമ്പളം വാങ്ങുന്ന ജീവനക്കാരില്‍ നല്ലൊരുശതമാനം പിരിച്ചുവിടുന്നതായി അറിയിച്ചിരുന്നു.

 

Related Articles