കൊറോണ ആപ്പിളിനെ തകര്‍ക്കുമ്പോള്‍; ഉത്പ്പാദനം കുറഞ്ഞതോടെ കമ്പനിയുടെ വരുമാനത്തെയും ബാധിക്കും; ആഗോള വിപണിയില്‍ സമ്മര്‍ദ്ദം ശക്തമാകുന്നു

5 years ago

കൊറോണ വൈറസ് ആഗോള തലത്തിലെ വിവിധ കമ്പനികളെയും ഉത്പ്പാദന കേന്ദ്രങ്ങളെയും വലിയ തോതില്‍ ബാധിച്ചിട്ടുണ്ടെന്നാണ റിപ്പോര്‍ട്ട്. വിപണി കേന്ദ്രങ്ങളെ ഒന്നാകെ പിടിച്ചുകുലുക്കിയിരിക്കുകയാണ് കൊറോണ വൈറസ്. ചൈനയില്‍ മാത്രം കൊറോണ വൈറസിന്റെ ആഘാത്തില്‍  ആയിരത്തിധികം പേരുടെ ജീവനാണ് പൊലിഞ്ഞുപോയത്. പ്രമുഖ കമ്പനിയായ ആപ്പിളിന്റെ നിര്‍മ്മാണത്തിലടക്കം വന്‍ ഇടിവ് രേഖപ്പെടുത്തിയിട്ടുണ്ടെന്നാണ് റിപ്പോര്‍ട്ട്. നിലവില്‍  ആപ്പിളിന്റെ ഉത്പ്പാദനത്തിലക്കം വന്‍ ഇടിവ് വന്നിട്ടുണ്ടെന്നാണ് വിവിധ  കണക്കുകള്‍ പ്രകാരം ചൂണ്ടിക്കാട്ടുന്നത്.   

ആപ്പിളിന്റെ പ്രധാന വരുമാനമായ ഐഫോണിന്റെ നിര്‍മ്മാണവും  മന്ദഗതിയിലാണ്  നീങ്ങുന്നത്. ആപ്പിളിന്റെ പ്രധാന നിര്‍മ്മാണ ശാലയും വിപണി കേന്ദ്രവുമാണ് ചൈന.  അതേസമയം ആപ്പിളിന്റെ ഉത്പ്പാദനം ആരംഭിച്ചിട്ടുണ്ടെന്ന് കമ്പനി വ്യക്തമാക്കിയെങ്കിലും  കൊറോണ വൈറസ് ആഘാതം കമ്പനിക്ക് വന്‍ പ്രതിസന്ധിയാണ് സൃഷ്ടിച്ചിട്ടുള്ളത്. കയറ്റുമതിയില്‍ അടക്കം വന്‍ ഇടിവാണ് രേഖപ്പെടുത്തിയത്. നിലവിലെ സാഹചര്യം കമ്പനി പ്രതീക്ഷച്ചതിനെക്കാള്‍ മന്ദിപ്പിലാണെന്നും കമ്പനി വൃത്തങ്ങള്‍ അറിയിക്കുന്നു.

സ്റ്റോറുകളുടെ പ്രവര്‍ത്തന സമയത്തില്‍ ചൈനീസ് സര്‍ക്കാര്‍ നിയന്ത്രണം ഏര്‍പ്പെടുത്തിയിട്ടുണ്ട്. മാര്‍ച്ച് അവസാന പാദത്തില്‍ 63 മുതല്‍ 65 ബില്യണ്‍ ഡോളര്‍ വരുമാനമാണ് ആപ്പിള്‍ പ്രതീക്ഷിച്ചിരുന്നത്. എന്നാല്‍ വിദഗ്ധര്‍ അഭിപ്രായപ്പെട്ടത് കമ്പനി ശരാശരി 65.23 ബില്യണ്‍ ഡോളര്‍ വരെ വരുമാനം നേടുമെന്നാണ്.  തിരിച്ചടികള്‍ ഉണ്ടായതോടെ കമ്പനിയുടെ വരുമാനത്തില്‍ ഗണ്യമായ കുറുണ്ടാകുമെന്നാണ് വിലയിരുത്തല്‍.

Related Articles