കോവിഡില്‍ തൊഴില്‍ നഷ്ടമുണ്ടായത് ഒരു കോടി ശമ്പളക്കാര്‍ക്ക്
ന്യൂഡല്‍ഹി: കോവിഡിനെത്തുടര്‍ന്ന് രാജ്യത്തെ ഒരു കോടി ശമ്പളക്കാര്‍ക്ക് തൊഴില്‍ നഷ്ടമുണ്ടായെന്ന് വെളിപ്പെടുത്തല്‍. സെന്റര്‍ ഫോര്‍ മോണിറ്ററിങ് ഇന്ത്യന്‍ ഇക്കോണമി (സി.എം.ഇ.ഐ.) നടത്തിയ പഠനത്തിലാണ് വിലയിരുത്തല്‍. തൊഴില്‍ നഷ്ടത്തില്‍ 60 ശതമാനവും ഗ്രാമീണമേഖലയിലാണ്. വ്യവസായയൂണിറ്റുകളും ചെറുകിട-ഇടത്തരം സംരംഭങ്ങളും പ്രതിസന്ധി നേരിട്ടതാണ് ഇതിനുകാരണം. അവസരങ്ങള്‍ ഇല്ലാതായതോടെ തൊഴില്‍സേന കാര്‍ഷികമേഖലയിലേക്ക് തിരിഞ്ഞുതുടങ്ങി.
അതേസമയം, നഗരമേഖലയില്‍ സമ്മര്‍ദമേറിവരുന്നു. പൂട്ടുകയോ പൂട്ടേണ്ട അവസ്ഥയിലോ ആണ് മഹാരാഷ്ട്രയിലെ പകുതിയോളം ഫാക്ടറികള്‍. ഏപ്രില്‍ 11-ന് ഏഴുശതമാനമായിരുന്നു തൊഴിലില്ലായ്മ. ഇത് 7.4 ശതമാനമായി. ഗാര്‍ഹികവരുമാനക്കാര്‍ക്ക് 20 ശതമാനമാണ് നഷ്ടം. ഗ്രാമീണ വേതനം ഉയര്‍ത്താന്‍ കാര്യമായ നടപടിയുണ്ടായില്ലെങ്കില്‍ സ്ഥിതി രൂക്ഷമാവും.
മൂലധനം വര്‍ധിപ്പിക്കാന്‍ ലക്ഷ്യമിട്ടുള്ളതാണ് സര്‍ക്കാര്‍ പദ്ധതികളില്‍ ഏറെയും. അതുമിക്കവാറും വിദേശ കമ്പനികള്‍ക്കാണ് പ്രയോജനപ്പെടുക. ദിവസക്കൂലിക്കാര്‍ വീട്ടിലിരിക്കാന്‍ നിര്‍ബന്ധിതരാവുന്നു. കോവിഡിനുശേഷം 12 കോടി പേര്‍ക്ക് തൊഴില്‍ നഷ്ടമായെന്നും സി.എം.ഇ.ഐ. വെളിപ്പെടുത്തി.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്‍ക്കാര്‍ കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്