ബ്ലൂംബര്‍ഗ് കോടീശ്വരന്മാരുടെ പട്ടികയില്‍ ഇടംനേടി രാധാകിഷന്‍ ദമാനി
ഡി മാര്‍ട്ട് സൂപ്പര്‍മാര്‍ക്കറ്റ് ശൃംഖലയുടെ പ്രൊമോട്ടറും നിക്ഷേപകനുമായ രാധാകിഷന്‍ എസ് ദമാനി ലോകത്തെ ശതകോടീശ്വര പട്ടികയില്‍ സ്ഥാനം പിടിച്ചു. 100 കോടീശ്വരന്മാരുടെ ബ്ലൂംബര്‍ഗ് പട്ടികയില്‍ 98-ാം സ്ഥാനമാണ് ദമാനിക്കുള്ളത്. 19.2 ബില്യണ്‍ ഡോളറാണ് അദ്ദേഹത്തിന്റെ ആസ്തി. മുകേഷ് അംബാനി, ഗൗതം അദാനി, അസിം പ്രേംജി, ശിവ് നാടാര്‍, ലക്ഷ്മി മിത്തല്‍ എന്നിവരാണ് പട്ടികയിലുള്ള മറ്റ് ഇന്ത്യക്കാര്‍.
അവന്യൂ സൂപ്പര്‍മാര്‍ക്കറ്റിനു പുറമെ, വിഎസ്ടി ഇന്‍ഡസ്ട്രീസ്, ഇന്ത്യ സിമെന്റ്സ്, സുന്ദരം ഫിനാന്‍സ്, ട്രന്റ് തുടങ്ങിയ കമ്പനികളിലും ദമാനിക്ക് നിക്ഷേപമുണ്ട്. 75ശതമാനം പ്രൊമോട്ടര്‍ ഓഹരികളില്‍ 60ശതമാനവും ദമാനിക്കും കുടുംബത്തിനുമാണ്. 2017ല്‍ വിപണിയില്‍ ലിസ്റ്റ് ചെയ്തതിനുശേഷം അവന്യു സൂപ്പര്‍മാര്‍ക്കറ്റിന്റെ വിപണി മൂല്യത്തില്‍ ആറിരട്ടിയാണ് വര്‍ധനവുണ്ടായത്. 39,813 കോടി രൂപയില്‍ നിന്ന് മൂല്യം 2.36 ലക്ഷം കോടിയായാണ് ഉയര്‍ന്നത്.
വിപണിയില്‍ ലിസ്റ്റ് ചെയ്തപ്പോഴുണ്ടായ ഓഹരി വില വര്‍ധനവിനെതുടര്‍ന്ന് രാജ്യത്തെ ഏറ്റവും സമ്പന്നരായ പത്ത് വ്യക്തികളില്‍ ഒരാളായി ദമാനി മാറിയിരുന്നു. മുംബൈയിലെ മലബാര്‍ ഹില്‍സില്‍ 1,000 കോടി രൂപ മുടക്കി അടുത്തയിടെ ആഢംബര വസതി അദ്ദേഹം സ്വന്തമാക്കിയിരുന്നു. മുംബൈയിലെ ഒരു മുറി അപ്പാര്‍ട്ടുമെന്റില്‍ നിന്നായിരുന്നു തുടക്കം.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്