ഇന്ത്യയില് നിന്ന് പിന്വാങ്ങിയതിന് പിന്നാലെ അമേരിക്കയില് വന് നിക്ഷേപ പദ്ധതി പ്രഖ്യാപിച്ച് ഫോര്ഡ്
ഇന്ത്യന് വിപണിയില് നിന്നുള്ള പിന്വാങ്ങലിന് പിന്നാലെ അമേരിക്കയില് വന് നിക്ഷേപ പദ്ധതി പ്രഖ്യാപിച്ച് വാഹന നിര്മാതാക്കളായ ഫോര്ഡ്. അമേരിക്കയിലെ ടെന്നസി, കെന്റക്കി എന്നിവിടങ്ങളില് വൈദ്യുത വാഹനങ്ങള്ക്കാവശ്യമായ മൂന്ന് ബാറ്ററി നിര്മാണ ഫാക്ടറികളും അസംബ്ലി പ്ലാന്റും നിര്മിക്കുന്നതിനായി 11.4 ശതകോടി ഡോളര് നിക്ഷേപിക്കുമെന്നാണ് ഫോര്ഡ് അറിയിച്ചിരിക്കുന്നത്.
ദക്ഷിണ കൊറിയയുടെ എസ് കെ ഇന്നവേഷന് കമ്പനിയുമായി സഹകരിച്ചാണ് പദ്ധതി നടപ്പാക്കുക. ഫോര്ഡ് 7 ശതകോടി ഡോളറും എസ്കെ 4.4 ശതകോടി ഡോളറുമാകും ചെലവിടുക. ഫോര്ഡ് വൈദ്യുത വാഹന നിര്മാണത്തിനായി രണ്ട് പ്ലാന്റുകളും സ്ഥാപിക്കും. ഏകദേശം 11000 പേര്ക്ക് തൊഴില് നല്കുമെന്നും കമ്പനി അറിയിച്ചു.
2025 ഓടെ വൈദ്യുത വാഹനങ്ങള്ക്കായി 30 ശതകോടി ഡോളര് നിക്ഷേപിക്കുന്ന പദ്ധതിയുടെ ഭാഗമായാണ് ഫോര്ഡിന്റെ പുതിയ പ്രഖ്യാപനമെന്ന് ചീഫ് എക്സിക്യൂട്ടിവ് ഓഫീസര് ജിം ഫാര്ലെ പറയുന്നു. ടെന്നസിയില് നിര്മിക്കാനൊരുങ്ങുന്ന പദ്ധതി ആറു ചതുരശ്ര മൈല് പ്രദേശത്താണ്. ഒരു നൂറ്റാണ്ട് മുമ്പ് ഫോര്ഡ് സ്ഥാപകന് ഹെന്റി ഫോര്ഡ് മിഷിഗണില് നിര്മിച്ച പ്ലാന്റിനേക്കാള് മൂന്നിരട്ടി വലിപ്പമാണ് ഇതിനുണ്ടാകുക. ഈ മാസം ആദ്യമാണ്, കമ്പനി ഇന്ത്യന് വിപണിയില് നിന്നുള്ള പിന്മാറ്റം അറിയിച്ചത്. ഏകദേശം നാലായിരത്തിലേറെ തൊഴിലാളികള്ക്ക് ഇതോടെ തൊഴില് നഷ്ടപ്പെടുകയും ചെയ്തിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്