ധനലക്ഷ്മി ബാങ്കിന് 65.78 കോടി രൂപ വാര്‍ഷിക ലാഭം
തൃശൂര്‍ ആസ്ഥാനമായുള്ള ധനലക്ഷ്മി ബാങ്ക് കഴിഞ്ഞ സാമ്പത്തിക വര്‍ഷം (201920) നേടിയത് 563.67 ശതമാനം വര്‍ദ്ധനയോടെ 65.78 കോടി രൂപയുടെ ലാഭം. ബാങ്കിന്റെ 93 വര്‍ഷ ചരിത്രത്തിലെ ഏറ്റവും ഉയര്‍ന്ന ലാഭമാണിത്. 2018-19ല്‍ ലാഭം 11.67 കോടി രൂപയായിരുന്നു.
പ്രവര്‍ത്തനലാഭം 94.93 കോടി രൂപയില്‍ നിന്ന് 70.62 ശതമാനം വര്‍ദ്ധിച്ച് 161.97 കോടി രൂപയിലെത്തി. മൊത്തം ബിസിനസ് 2.69 ശതമാനം മുന്നേറി 17,703 കോടി രൂപയായി. മൊത്തം നിക്ഷേപം 2.84 ശതമാനവും വായ്പകള്‍ 2.45 ശതമാനവും വളര്‍ച്ച കുറിച്ചു. മൊത്തം വരുമാന വളര്‍ച്ചാനിരക്ക് കഴിഞ്ഞവര്‍ഷം 7.44 ശതമാനമായും അവസാനപാദത്തില്‍ 4.47 ശതമാനമായും മെച്ചപ്പെട്ടു. അറ്റ പലിശ വരുമാനം 7.62 ശതമാനം ഉയര്‍ന്ന് 373.18 കോടി രൂപയിലെത്തി.
മൊത്തം നിഷ്‌ക്രിയ ആസ്തി (ജി.എന്‍.പി.എ) 7.47 ശതമാനത്തില്‍ നിന്ന് 5.90 ശതമാനത്തിലേക്ക് താഴ്ന്നതും ബാങ്കിന് ആശ്വാസമായി. അറ്റ നിഷ്‌ക്രിയ ആസ്തി (എന്‍.എന്‍.പി.എ) 2.41 ശതമാനത്തില്‍ നിന്ന് 1.55 ശതമാനത്തിലേക്കും താഴ്ന്നു. അതേസമയം, അവസാനപാദമായ ജനുവരി-മാര്‍ച്ചില്‍ ലാഭം 90.58 ശതമാനം കുറഞ്ഞ് 2.60 കോടി രൂപയായി. മുന്‍വര്‍ഷത്തെ സമാനപാദത്തില്‍ ലാഭം 27.61 കോടി രൂപയായിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്