കയറ്റുമതി മൂല്യം 410 ബില്യണ്‍ ഡോളറാകുമെന്ന് പിയൂഷ് ഗോയല്‍
ന്യൂഡല്‍ഹി: രാജ്യത്ത് കയറ്റുമതിയില്‍ വന്‍ നേട്ടം. ഈ സാമ്പത്തിക വര്‍ഷം ഇതുവരെ 380 ബില്യണ്‍ ഡോളറിലധികം ചരക്ക് കയറ്റുമതി നടന്നിട്ടുണ്ടെന്നും 2022ല്‍ ഇത് 410 ബില്യണ്‍ ഡോളറാകുമെന്നും വാണിജ്യ, വ്യവസായ മന്ത്രി പിയൂഷ് ഗോയല്‍ അഭിപ്രായപ്പെട്ടു. ഇന്ത്യയും കാനഡയും സ്വതന്ത്ര വ്യാപാര കരാറിനായുള്ള ചര്‍ച്ചകള്‍ ഔദ്യോഗികമായി പുനരാരംഭിച്ചിട്ടുണ്ടെന്നും ഇതിനെ ഔദ്യോഗികമായി സമഗ്ര സാമ്പത്തിക പങ്കാളിത്ത കരാര്‍ (സിഇപിഎ) എന്ന് വിളിക്കുമെന്നും അദ്ദേഹം പറഞ്ഞു.
മാര്‍ച്ച് 7, 2022 ലെ കണക്കനുസരിച്ച്, കയറ്റുമതി 380 ബില്യണ്‍ ഡോളറിന് മുകളിലാണ് ഇത് 400 ബില്യണ്‍ ഡോളര്‍ കടക്കാന്‍ ഒരുങ്ങുകയാണ്. വര്‍ഷാവസാനം 410 ബില്യണ്‍ ഡോളറായേക്കും ഗോയല്‍ തന്റെ കനേഡിയന്‍ സഹപ്രവര്‍ത്തകയായ മേരി എന്‍ജിയുടെ ബഹുമാനാര്‍ത്ഥം സംഘടിപ്പിച്ച അത്താഴവിരുന്നില്‍ പറഞ്ഞു. ഇന്ത്യ-കാനഡ ബന്ധത്തെക്കുറിച്ച് സംസാരിക്കവേ, ഈ സാമ്പത്തിക പങ്കാളിത്തം സാമ്പത്തിക ബന്ധത്തെ അടുത്ത ഘട്ടത്തിലേക്ക് കൊണ്ടുപോകാനുള്ള ശ്രമങ്ങളെ ശക്തിപ്പെടുത്തുമെന്ന് അദ്ദേഹം പറഞ്ഞു.
ഈ ബന്ധം തൊഴിലവസരങ്ങള്‍ സൃഷ്ടിക്കാനും, ആവശ്യമുള്ള സമയങ്ങളില്‍ പരസ്പരം സഹായിക്കാനും, നിരവധി അന്താരാഷ്ട്ര ഫോറങ്ങളില്‍ പരസ്പരം പ്രവര്‍ത്തിക്കാനും സഹായിക്കും. കാനഡയില്‍ ഇന്ന് ഞങ്ങള്‍ക്ക് 7,00,000 ഇന്ത്യന്‍ വംശജരുണ്ട്, കുറച്ച് വര്‍ഷങ്ങള്‍ കൊണ്ട് ഇത് 1.4 ദശലക്ഷമായി ഉയരും ഗോയല്‍ പറഞ്ഞു.
ബിസിനസുകാര്‍ക്ക് ഇന്ത്യയില്‍ വലിയ അവസരങ്ങളുണ്ടെന്ന് കനേഡിയന്‍ മന്ത്രി പറഞ്ഞു. കനേഡിയന്‍ ബിസിനസുകാര്‍ ഇന്ത്യയില്‍ ഏകദേശം 65 ബില്യണ്‍ യുഎസ് ഡോളര്‍ നിക്ഷേപിച്ചിട്ടുണ്ടെന്നും ഇത് ഇവിടെയുള്ള സാധ്യതകളെ പ്രതിഫലിപ്പിക്കുന്നുവെന്നും അവര്‍ പറഞ്ഞു. ഈ രംഗത്ത് കൂടുതല്‍ പ്രവര്‍ത്തനങ്ങള്‍ക്കായി ഞാന്‍ കാത്തിരിക്കുകയാണ്, മന്ത്രി പറഞ്ഞു. കാനഡയും ഇന്ത്യയുമായി ഒരു ഫോറിന്‍ ഇന്‍വെസ്റ്റ്മെന്റ് പ്രൊമോഷന്‍ ആന്‍ഡ് പ്രൊട്ടക്ഷന്‍ എഗ്രിമെന്റ് പിന്തുടരുന്നുണ്ടെന്നും മേരി എന്‍ജി കൂട്ടിച്ചേര്‍ത്തു.
യുക്രെയ്‌നിലെ റഷ്യന്‍ അധിനിവേശം ലോകസമാധാനത്തിന് ഭീഷണിയാണ്. കാനഡ ഇതിനെ അസന്നിഗ്ദ്ധമായി അപലപിക്കുന്നു. അധിനിവേശം നിയമാധിഷ്ഠിത അന്താരാഷ്ട്ര ക്രമത്തോടുള്ള വെല്ലുവിളിയാണ്, കാനഡയില്‍ വളരെ ഊര്‍ജ്ജസ്വലമായ യുക്രേനിയന്‍ സമൂഹമുണ്ട്. കാനഡയിലുടനീളമുള്ള വീടുകളിലും കമ്മ്യൂണിറ്റികളിലും ഇതിന്റെ പ്രഖ്യാതം വളരെ ആഴത്തില്‍ അനുഭവപ്പെടുന്നു അവര്‍ പറഞ്ഞു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്