വിരമിച്ച സൈനികര്ക്കായി പുതിയ പദ്ധതികള് ആവിഷ്കരിച്ച് ഫ്ളിപ്പ്കാര്ട്ട്; തൊഴിലവസരവുമായി 'ഫ്ളിപ്പ് മാര്ച്ച്' വരുന്നു
ന്യൂഡല്ഹി: രാജ്യത്തെ വിരമിച്ച സൈനികര്ക്കായി പുതിയ പദ്ധതികള് ആവിഷ്കരിച്ച് ഇന്ത്യയിലെ ഇ-കൊമേഴ്സ് പ്ലാറ്റ്ഫോമായ ഫ്ളിപ്പ്കാര്ട്ട് രംഗത്ത്. വിരമിച്ച സൈനികര്ക്ക് തൊഴില് നല്കുന്നതിനുള്ള പദ്ധതിയാണ് കമ്പനി പ്രധാനമായും ഇപ്പോള് ആവിഷ്കരിച്ചിരിക്കുന്നത്. ഫ്ലിപ്കാര്ട്ടും ആര്മി വെല്ഫെയര് പ്ലേസ്മെന്റ് ഓര്ഗനൈസേഷനുമായി (എഡബ്ല്യുപിഒ) സംയുക്തമായ തിരഞ്ഞെടുക്കുന്ന കരസേനയില് നിന്നും വിമരമിച്ച സൈനികര്ക്ക് കമ്പനിയില് ജോലി നല്കുകയാണ് പ്രധാന ലക്ഷ്യം.
ഫ്ളിപ്പ് മാര്ച്ച് എന്ന പേരിലാണ് പുതകിയ പദ്ധതി കമ്പനി ആവിഷ്കരിച്ചിരിക്കുന്നത്. തിരഞ്ഞെടുത്ത ഉദ്യോഗസ്ഥര്ക്ക് പരിശീലനം നല്കുകയും ചെയ്യും. കോര്പ്പറേറ്റ് തൊഴില് റോളുകളുടെ സൂക്ഷ്മത പഠിക്കാന് ഇത് സഹായകമാകും. നിലവില് ഫ്ളിപ്പ്കാര്ട്ടില് നിരവധി വിരമിച്ച സൈനികര് ജോലി ചെയ്യുന്നുണ്ട്. വിമുക്ത ഭടന്മാരുടെ അനുഭവ സമ്പത്തും അച്ചടക്കവും കമ്പനിക്ക് ഏറെ ഗുണം ചെയ്യുമെന്നാണ് കരുതുന്നത്.
കൂടാതെ സ്ഥാപനത്തിന്റെ വളര്ച്ചയില് വിമുക്ത ഭടന്മാര്ക്ക് നിര്ണായക പങ്കുവഹിക്കാനാകുമെന്നും കമ്പനി കരുതുന്നു. ഇങ്ങനെയൊരു സംരഭം ആരംഭിക്കാന് സാധിച്ചതില് അഭിമാനമുണ്ടെന്ന് ചീഫ് പീപ്പിള് ഓഫീസര് കൃഷ്ണ രാഘവന് പറഞ്ഞു. സപ്ലെ ചെയിന്, സെക്യൂരിറ്റി മാനേജ്മെന്റ് ഉള്പ്പടെ നിരവധി വിമുക്ത ഭടന്മാര് ഫ്്ളിപ്പ്കാര്ട്ടില് ജോലി ചെയ്യുന്നുണ്ട്. ബംഗളൂരു ആസ്ഥാനമാക്കി പ്രവര്ത്തിക്കുന്ന ഫ്ളിപ്പ്കാര്ട്ട് 2007ലാണ് പ്രവര്ത്തനം ആരംഭിച്ചത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്