ഇന്ത്യയുടെ വിദേശനാണ്യ കരുതല്‍ ശേഖരത്തില്‍ വന്‍ ഇടിവ്; 12 ബില്യണ്‍ ഡോളര്‍ കുറഞ്ഞു
ന്യൂഡല്‍ഹി: രാജ്യത്തിന്റെ വിദേശനാണ്യ (ഫോറെക്‌സ്) കരുതല്‍ ശേഖരം കുത്തനെ ഇടിഞ്ഞു. ഏപ്രില്‍ ഒന്നിന് അവസാനിച്ച ആഴ്ചയില്‍ 11.173 ബില്യണ്‍ ഡോളര്‍ കുറഞ്ഞ് 606.475 ബില്യണ്‍ ഡോളറിലാണ് കരുതല്‍ ശേഖരമുള്ളത്. എക്കാലത്തെയും ഉയര്‍ന്ന ഇടിവാണിത്. കഴിഞ്ഞ നാലാഴ്ചക്കിടെ ഏകദേശം 27 ബില്യണ്‍ ഡോളറാണ് ചോര്‍ന്നത്.
റഷ്യ-യുക്രെയ്ന്‍ സംഘര്‍ഷത്തിനിടെ രൂപയുടെ മൂല്യത്തിലുണ്ടായ തകര്‍ച്ച പിടിച്ചു നിര്‍ത്താന്‍ ഡോളര്‍ വില്‍പനയിലൂടെ ആര്‍.ബി.ഐ പണ വിപണിയില്‍ ഇടപെടുന്നത് തുടരുന്നതാണ് തുടര്‍ച്ചയായ നാലാമത്തെ ആഴ്ചയും കരുതല്‍ ശേഖരം കുറയാന്‍ കാരണം. സാധാരണയായി വിദേശനാണയ കരുതല്‍ ശേഖരം വിറ്റ് പണ വിപണിയിലെ ചാഞ്ചാട്ടം കുറക്കാന്‍ റിസര്‍വ് ബാങ്ക് ശ്രമിക്കാറുണ്ട്. എന്നാല്‍ യുക്രെയ്‌നിലെ റഷ്യന്‍ അധിനിവേശം തിരിച്ചടിയായി.
വിദേശ നാണയ കരുതല്‍ ശേഖരത്തിന്റെ ഏറ്റവും വലിയ ഘടകമായ വിദേശ കറന്‍സി ആസ്തിയിലാണ് വന്‍ ഇടിവ്. 2022 ഏപ്രില്‍ ഒന്നിന് അവസാനിച്ച ആഴ്ചയില്‍ 10.727 ബില്യണ്‍ ഡോളര്‍ കുറഞ്ഞ് 539.727 ബില്യണ്‍ ഡോളറാണിപ്പോള്‍. വിദേശ നാണയ കരുതല്‍ ശേഖരത്തില്‍ സൂക്ഷിച്ചിരിക്കുന്ന യൂറോ, പൗണ്ട്, യെന്‍ തുടങ്ങിയ കറന്‍സികളുടെ മൂല്യം ഉയരുന്നതും താഴുന്നതും വിദേശ കറന്‍സി ആസ്തികളെ ബാധിക്കാറുണ്ട്. റഷ്യ-യുക്രെയ്ന്‍ യുദ്ധത്തിന്റെ ആഘാതങ്ങള്‍ ഇന്ത്യയുടെ വിദേശ നാണയ ശേഖരത്തിന് കുറച്ച് നാള്‍ കൂടി ഭീഷണിയായി തുടരുമെന്ന് ബ്രിട്ടീഷ് നിക്ഷേപക സ്ഥാപനമായ ബാര്‍ക്ലേയ്‌സ് വിലയിരുത്തുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല്‍ ധനാനുപാതവും ഉയര്ത്തി റിസര്‍വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്