തുടര്‍ച്ചയായ ഇരുപത്തിയൊന്നാം ദിവസവും ഇന്ധന വില വര്‍ധിപ്പിച്ചു
കൊച്ചി: ജീവിതം അടിക്കടി ദുസ്സഹമാക്കി ഇന്ധന വില വര്‍ധന തുടരുന്നു. പെട്രോളിന് 35 പൈസയും ഡീസലിന് 37 പൈസയും വര്‍ധിപ്പിച്ചു. തുടര്‍ച്ചയായി 21ാം ദിവസമാണ് എണ്ണക്കമ്പനികള്‍ വില കൂട്ടുന്നത്. കഴിഞ്ഞ 20 ദിവസത്തിനുള്ളില്‍ ഡീസലിന് 5.87 രൂപയും പെട്രോളിന് 4.01 രൂപയുമാണ് കൂട്ടിയത്.
പുതിയ വില: തിരുവനന്തപുരം-പെട്രോള്‍ 107.74, ഡീസല്‍ 101.3. കൊച്ചി-പെട്രോള്‍ 105.78, ഡീസല്‍ 99.46. കോഴിക്കോട്-പെട്രോള്‍ 105.96, ഡീസല്‍ 99.66. 20 ദിനം കൊണ്ട് ഒരു ലിറ്റര്‍ ഡീസലിന് കൂടിയത് 5.30 രൂപയും പെട്രോളിന് 3.64 രൂപയുമാണ്. ഇതോടെ എല്ലാ ജില്ലയിലും ഡീസല്‍ വില നൂറിലേക്കെത്താറായി.
ഒരു വര്‍ഷത്തിനിടെ രാജ്യത്തെ ഇന്ധന വിലയിലുണ്ടായത് 30 ശതമാനത്തിന്റെ വമ്പന്‍ വര്‍ധന. കഴിഞ്ഞ വര്‍ഷം ഒക്‌ടോബറില്‍ ഒരു ലിറ്റര്‍ ഡീസലിന് 76.82 രൂപയും ഒരു ലിറ്റര്‍ പെട്രോളിന് 82.01 രൂപയുമായിരുന്നു കോഴിക്കോടുള്ള വില. ഇന്ന് ഒരു ലിറ്റര്‍ ഡീസലിന് 99.26 രൂപയും പെട്രോളിന് 105.57 രൂപയുമാണ് കോഴിക്കോട്ടെ വില നിലവാരം. ഒരു വര്‍ഷത്തിനിടെ ഡീസലിന് 22.44 രൂപയും പെട്രോളിന് 23.56 രൂപയും വര്‍ധിച്ചതായി കോഴിക്കോട്ടെ വില നിലവാരം പരിശോധിച്ചാല്‍ തന്നെ മനസിലാകും.
ഡീസലിന്റെ വിലയിലാണ് വര്‍ധനയുടെ തോത് അല്‍പം കൂടുതല്‍. ഡീസലിന് 29.22 ശതമാനം വില വര്‍ധിച്ചപ്പോള്‍ പെട്രോളിന് 28.67 ശതമാനം വില വര്‍ധനയാണുണ്ടായത്. ഇന്ധന വില വര്‍ധന നിത്യോപയോഗ സാധനങ്ങളുടെയടക്കം വിലയില്‍ പ്രതിഫലിക്കുമെന്നതിനാല്‍ വില വര്‍ധന എല്ലാ മേഖലകളെയും ബാധിച്ചിട്ടുണ്ട്. പാചകവാതകത്തിനും വിലയില്‍ വന്‍ വര്‍ധനയുണ്ടായിട്ടുണ്ട്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്