ഇരുപതാം ദിവസത്തിലും വില വര്‍ധിച്ചു; ഇന്ധന വില അറിയാം

4 years ago

കോവിഡ്-19 ന്റെ പശ്ചാത്തലത്തില്‍ 82 ദിവസത്തെ ഇടവേളയ്ക്ക് ശേഷം തുടര്‍ച്ചയായ ഇരുപതാം ദിവസവും ഇന്ധന വില ഉയര്‍ന്നു. ഡല്‍ഹിയില്‍ പെട്രോള്‍ വില ലിറ്ററിന് 21 പൈസയും ഡീസല്‍ ലിറ്ററിന് 17 പൈസയും ഉയര്‍ത്തി. 19-ാം ദിവസം എണ്ണക്കമ്പനികള്‍ വില ഉയര്‍ത്തിയതോടെ വ്യാഴാഴ്ച ദേശീയ തലസ്ഥാനത്ത് ഡീസല്‍ വില ലിറ്ററിന് 80 രൂപ മറികടന്നിരുന്നു. അതേസമയം, കേരളത്തില്‍ പെട്രോള്‍ വില 81.52 രൂപയായി. ഡീസല്‍ വില ലിറ്ററിന് 77.10 രൂപയായി.

വാറ്റിലുള്ള വ്യത്യാസത്തെ ആശ്രയിച്ച് പെട്രോളിന്റെയും ഡീസലിന്റെയും നിരക്ക് ഓരോ സംസ്ഥാനങ്ങളിലും വ്യത്യസ്തമാണ്. ജൂണ്‍ 7 മുതല്‍ എണ്ണക്കമ്പനികള്‍ വില പരിഷ്‌കരിക്കാന്‍ തുടങ്ങിയതിനുശേഷം ഇന്ധന നിരക്കിന്റെ ഇരുപതാമത്തെ പ്രതിദിന വര്‍ദ്ധനവാണ് ഇന്ന് രേഖപ്പെടുത്തിയിരിക്കുന്നത്. നിലവിലെ വര്‍ദ്ധനവിന് മുമ്പ്, 2018 ഒക്ടോബര്‍ 16 ന് ഡല്‍ഹിയിലെ ഏറ്റവും ഉയര്‍ന്ന ഡീസല്‍ നിരക്ക് ലിറ്ററിന് 75.69 രൂപയായി ഉയര്‍ന്നിരുന്നു. ഏറ്റവും ഉയര്‍ന്ന പെട്രോള്‍ വില 2018 ഒക്ടോബര്‍ 4 ന് ഡല്‍ഹിയില്‍ ലിറ്ററിന് 84 രൂപയായും ഉയര്‍ന്നിരുന്നു.

2018 ഒക്ടോബറില്‍ നിരക്ക് ഉയര്‍ന്നപ്പോള്‍ സര്‍ക്കാര്‍ പെട്രോള്‍, ഡീസല്‍ എന്നിവയുടെ എക്‌സൈസ് തീരുവ ലിറ്ററിന് 1.50 രൂപ കുറച്ചിരുന്നു. ചില്ലറ വില്‍പ്പന നിരക്ക് ലിറ്ററിന് 2.50 രൂപ കുറയ്ക്കാന്‍ സഹായിക്കുന്നതിന് സര്‍ക്കാര്‍ ഉടമസ്ഥതയിലുള്ള എണ്ണക്കമ്പനികളോട് ലിറ്ററിന് ഒരു രൂപ കൂടി കുറയ്ക്കാനും ആവശ്യപ്പെട്ടിരുന്നു. എന്നാല്‍ മാര്‍ച്ച് 14 ന് സര്‍ക്കാര്‍ പെട്രോള്‍, ഡീസല്‍ എന്നിവയുടെ എക്‌സൈസ് തീരുവ ലിറ്ററിന് 3 രൂപ വീതവും മെയ് 5 ന് പെട്രോളിന് 10 രൂപയും ഡീസലിന് 13 രൂപയും ഉയര്‍ത്തി. ഈ വര്‍ധനവ് സര്‍ക്കാരിന് രണ്ട് ലക്ഷം കോടി രൂപ അധിക നികുതിയിനത്തില്‍ നല്‍കി.

ഓയില്‍ പൊതുമേഖലാ സ്ഥാപനങ്ങളായ ഇന്ത്യന്‍ ഓയില്‍ കോര്‍പ്പറേഷന്‍ (ഐഒസി), ഭാരത് പെട്രോളിയം കോര്‍പ്പ് ലിമിറ്റഡ് (ബിപിസിഎല്‍), ഹിന്ദുസ്ഥാന്‍ പെട്രോളിയം കോര്‍പ്പറേഷന്‍ ലിമിറ്റഡ് (എച്ച്പിസിഎല്‍) എന്നിവ എക്‌സൈസ് തീരുവ വര്‍ധിപ്പിക്കുന്നതിന് പകരം ഉപഭോക്താക്കളിലേക്ക് ചില്ലറ നിരക്കില്‍ ഇടിവുണ്ടായതിനെ ക്രമീകരിച്ചു. എന്നാല്‍ അന്താരാഷ്ട്ര എണ്ണവില വീണ്ടും ഉയരുകയും എണ്ണ കമ്പനികള്‍ ഇപ്പോള്‍ ചില്ലറ നിരക്കുകള്‍ ക്രമീകരിക്കുകയും ചെയ്തു.

Related Articles