തുടര്‍ച്ചയായ നാലാം ദിവസവും സ്വര്‍ണ വില ഇടിഞ്ഞു; പവന് 38560 രൂപയായി
കേരളത്തില്‍ സ്വര്‍ണ വില വീണ്ടും കുത്തനെ ഇടിഞ്ഞു. പവന് 320 രൂപ കുറഞ്ഞ് 38560 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 4820 രൂപയാണ് ഇന്നത്തെ വില. കഴിഞ്ഞ നാല് ദിവസങ്ങളായി 38880 രൂപയായിരുന്നു കേരളത്തില്‍ ഒരു പവന് സ്വര്‍ണത്തിന്റെ വില. എന്നാല്‍ ഇന്ന് വീണ്ടും വില കുറഞ്ഞു. ഈ മാസത്തെ ഏറ്റവും കുറഞ്ഞ വിലയാണ് ഇന്നത്തേത്. ഓഗസ്റ്റ് 7, 8, 9 തീയതികളിലാണ് സംസ്ഥാനത്ത് സ്വര്‍ണ വില ഏറ്റവും കൂടുതല്‍ രേഖപ്പെടുത്തിയത്. ഈ ദിവസങ്ങളില്‍ പവന് വില 42,000 രൂപയെന്ന റെക്കോര്‍ഡ് തൊട്ടു.
ഇന്ത്യന്‍ വിപണികളില്‍ സ്വര്‍ണത്തിന്റെയും വെള്ളിയുടെയും വില ഇന്നും കുറഞ്ഞു. എംസിഎക്സില്‍ ഒക്ടോബറില്‍ സ്വര്‍ണ്ണ ഫ്യൂച്ചറുകള്‍ 10 ഗ്രാമിന് 0.3 ശതമാനം ഇടിഞ്ഞ് 51865 രൂപയിലെത്തി. തുടര്‍ച്ചയായ നാലാം ദിവസമാണ് സ്വര്‍ണ വില ഇന്ന് കുറഞ്ഞത്. നാല് ദിവസത്തിനുള്ളില്‍ സ്വര്‍ണ്ണ വില 10 ഗ്രാമിന് 1,700 രൂപ കുറഞ്ഞു. എംസിഎക്സിന്റെ സില്‍വര്‍ ഫ്യൂച്ചര്‍ ഒരു ശതമാനം ഇടിഞ്ഞ് കിലോഗ്രാമിന് 66,426 രൂപയിലെത്തി. കഴിഞ്ഞ സെഷനില്‍ സ്വര്‍ണം 0.3 ശതമാനവും സെപ്റ്റംബര്‍ സില്‍വര്‍ ഫ്യൂച്ചേഴ്‌സ് ഒരു ശതമാനവും കുറഞ്ഞു. ഓഗസ്റ്റ് 7ന് 56,200 രൂപ വരെ സ്വര്‍ണ വില ഉയര്‍ന്നിരുന്നു.
ആഗോള വിപണിയില്‍ ഇന്ന് സ്വര്‍ണ വില ഇടിഞ്ഞു. സ്‌പോട്ട് സ്വര്‍ണ വില ഔണ്‍സിന് 0.3 ശതമാനം ഇടിഞ്ഞ് 1,933.37 ഡോളറിലെത്തി. യുഎസ് സ്വര്‍ണ്ണ ഫ്യൂച്ചേഴ്‌സ് 0.4 ശതമാനം ഇടിഞ്ഞ് 1,910.10 ഡോളറിലെത്തി. വിലയേറിയ മറ്റ് ലോഹങ്ങളില്‍ വെള്ളി വില ഔണ്‍സിന് 0.6 ശതമാനം ഇടിഞ്ഞ് 26.54 ഡോളറിലെത്തി. പ്ലാറ്റിനം 0.5 ശതമാനം ഇടിഞ്ഞ് 913.78 ഡോളറിലെത്തി.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്‍ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്