ഗൂഗിള്‍ പേ പ്ലേസ്റ്റോറില്‍ നിന്ന് ദാ പോയി, ദേ വന്നു!
മുന്‍നിര യുപിഐ പണമിടപാട് ആപ്ലിക്കേഷനായ ഗൂഗിള്‍ പേ ഗൂഗിള്‍ പ്ലേസ്റ്റോറില്‍ നിന്ന് അപ്രത്യക്ഷമായി. ഇന്‍സ്റ്റാള്‍ ചെയ്യാനായി ശ്രമിച്ചവരാണ് ഗൂഗിള്‍ പേ പ്ലേ സ്റ്റോറില്‍ കാണുന്നില്ല എന്ന പരാതിയുമായി എത്തിയത്. പ്ലേ സ്റ്റോറിന്റെ മൊബൈല്‍ പതിപ്പില്‍ നിന്നാണ് ഗൂഗിള്‍ പേ അപ്രത്യക്ഷമായിരിക്കുന്നത്. എന്നാല്‍ പ്ലേ സ്റ്റോര്‍ വെബ്സൈറ്റില്‍ ഗൂഗിള്‍ പേ ലഭിച്ചിരുന്നു.
'ഗൂഗിള്‍ പേ' പ്ലേ സ്റ്റോര്‍ ആപ്പില്‍ തിരിച്ചെത്തിയെന്നാണ് ഏറ്റവും പുതിയ റിപ്പോര്‍ട്ട്. ഇന്നലെ പ്ലേ സ്റ്റോറില്‍ ഗൂഗിള്‍ പേ എന്ന് സെര്‍ച്ച് ചെയ്യുമ്പോള്‍ വാണിജ്യ സ്ഥാപനങ്ങള്‍ക്ക് വേണ്ടിയുള്ള ഗൂഗിള്‍ പേ ഫോര്‍ ബിസിനസ് ആപ്ലിക്കേന്‍ മാത്രമാണ് കണ്ടിരുന്നത്. ട്വിറ്ററില്‍ നിരവധി പേര്‍ ഈ വിവരം ട്വീറ്റ് ചെയ്തിരുന്നു. പുതിയ അപ്‌ഡേറ്റ് ഉള്‍പ്പെടുത്തിയാണ് ഗൂഗിള്‍ പേ തിരിച്ചെത്തിയിരിക്കുന്നത്.
സാങ്കേതിക പ്രശ്‌നങ്ങള്‍ പരിഹരിച്ചും പ്രകടനം മെച്ചപ്പെടുത്തിയുമുള്ള അപ്‌ഡേറ്റാണ് വന്നിരിക്കുന്നത്. ആപ്പ് എന്തുകൊണ്ടാണ് അപ്രത്യക്ഷമായത് എന്ന് വ്യക്തമല്ല. സാങ്കേതിക തകരാറായിരിക്കാനാണ് സാധ്യത. അടുത്തിടെ ഗൂഗിള്‍ പ്ലേ സ്റ്റോര്‍ വഴി പണമിടപാട് നടത്തുന്നതില്‍ തടസം നേരിടുന്നുണ്ടെന്ന പരാതി ഉയര്‍ന്നിരുന്നു. ആപ്പ് നേരത്തെ ഇന്‍സ്റ്റാള്‍ ചെയ്തവര്‍ക്ക് പ്രശ്‌നങ്ങള്‍ ഉണ്ടായിരുന്നില്ല.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്