പാമോയിലിന്റെ അടിസ്ഥാന കസ്റ്റംസ് തീരുവ 10 ശതമാനമായി നിജപ്പെടുത്തി കേന്ദ്രസര്‍ക്കാര്‍
ന്യൂഡല്‍ഹി: അസംസ്‌കൃത പാമോയിലിന്റെ അടിസ്ഥാന കസ്റ്റംസ് തീരുവ പത്ത് ശതമാനമായി നിജപ്പെടുത്തി കേന്ദ്രസര്‍ക്കാര്‍. ഇതിലൂടെ രാജ്യത്തെ ഭക്ഷ്യ എണ്ണയുടെ റീടെയ്ല്‍ വില കുറയ്ക്കാന്‍ കഴിയുമെന്നാണ് കേന്ദ്രസര്‍ക്കാരിന്റെ പ്രതീക്ഷ. സെന്‍ട്രല്‍ ബോര്‍ഡ് ഓഫ് ഇന്‍ഡയറക്ട് ടാക്‌സ് ആന്റ് കസ്റ്റംസ് ആണ് ഇത് സംബന്ധിച്ച് വിജ്ഞാപനം പുറപ്പെടുവിച്ചത്. സംസ്‌കരിച്ച പാമോയിന്റെ ഇറക്കുമതി തീരുവ പുതിയ വിജ്ഞാപനം പ്രകാരം 37.5 ശതമാനമാണ്.
സെസും മറ്റ് നിരക്കുകളും കൂടി ചേരുമ്പോള്‍ അസംസ്‌കൃത പാമോയിലിന് മുകളില്‍ 30.25 ശതമാനമായിരിക്കും ആകെ നികുതി. സംസ്‌കരിച്ച പാമോയിലിന് അതേസമയം 41.25 ശതമാനം നികുതി നല്‍കേണ്ടി വരും. നിലവില്‍ അസംസ്‌കൃത പാമോയിലിന് മുകളില്‍ 15 ശതമാനമായിരുന്നു കസ്റ്റംസ് തീരുവ. അതേസമയം മറ്റ് കാറ്റഗറികളില്‍ 45 ശതമാനമായിരുന്നു കസ്റ്റംസ് തീരുവ.
കഴിഞ്ഞ വര്‍ഷം ഭക്ഷ്യ എണ്ണയുടെ വിലയില്‍ വന്‍ വര്‍ധനവുണ്ടായിരുന്നു. ഇപ്പോഴത്തെ നികുതിയിളവും കാര്യമായ വിലക്കുറവ് ഉണ്ടാക്കില്ലെന്നാണ് വിലയിരുത്തല്‍. അതേസമയം ഇന്ത്യയിലെ പാമോയില്‍ ഇറക്കുമതി മെയ് മാസത്തില്‍ 48 ശതമാനം വര്‍ധിച്ചതായി വ്യവസായ സംഘടനയായ എസ്ഇഎ പറയുന്നു. 769602 ടണ്ണായിരുന്നു ആകെ ഇറക്കുമതി ചെയ്തത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്