ഇരുചക്ര വാഹനങ്ങളുടെ നികുതി കുറച്ചേക്കും; നിലവിലെ ജിഎസ്ടി നിരക്ക് 28 ശതമാനം
ന്യൂഡല്‍ഹി: ഇരുചക്ര വാഹനങ്ങളുടെ നികുതി കുറയ്ക്കുന്ന വിഷയം പരിഗണിക്കുമെന്ന് ധനമന്ത്രി നിര്‍മല സീതാരാമന്‍ ഉറപ്പ് നല്‍കിയതായി കോണ്‍ഫെഡറേഷന്‍ ഓഫ് ഇന്ത്യന്‍ ഇന്‍ഡസ്ട്രീസ് (സിഐഐ). ഇരുചക്ര വാഹനങ്ങള്‍ക്ക് നിലവില്‍ 28 ശതമാനമാണ് ജിഎസ്ടി നിരക്ക്. കൊവിഡ് പ്രതിസന്ധികളെ തുടര്‍ന്ന് ഇരുചക്ര വാഹനങ്ങളുടെ നികുതി കുറയ്ക്കണമെന്ന് വാഹന നിര്‍മാതാക്കള്‍ നേരത്തെ സര്‍ക്കാരിനോട് ആവശ്യപ്പെട്ടിരുന്നു.
ഇരുചക്ര വാഹനങ്ങള്‍ ആഡംബര വിഭാഗത്തില്‍ ഉള്‍പ്പെടുന്നതല്ല, അതിനാല്‍ നിരക്ക് പരിഷ്‌കരണത്തിന് അര്‍ഹതയുണ്ട്. തല്‍ഫലമായി ഇത് ജിഎസ്ടി കൗണ്‍സില്‍ ചര്‍ച്ചയ്ക്ക് എത്തുമെന്ന് ധനമന്ത്രി ഉറപ്പ് നല്‍കിയതായി കോണ്‍ഫെഡറേഷന്‍ ഓഫ് ഇന്ത്യന്‍ ഇന്‍ഡസ്ട്രീസ് (സിഐഐ) പ്രസ്താവനയില്‍ പറഞ്ഞു.
സെപ്റ്റംബര്‍ 19 ന് നടക്കാനിരിക്കുന്ന കൗണ്‍സില്‍ യോഗത്തില്‍ ഈ വിഷയം പരിഗണിക്കുമെന്നാണ് റിപ്പോര്‍ട്ടുകള്‍. ഇരുചക്ര വാഹനങ്ങളുടെ നികുതി വെട്ടിക്കുറവ് ഉത്സവ സീസണിന് മുമ്പായുളള ആവശ്യകതയെ വര്‍ദ്ധിപ്പിക്കും, കൂടാതെ കൊറോണ വൈറസ് പൊട്ടിപ്പുറപ്പെട്ടതും അതിന്റെ ഫലമായി ലോക്ക്ഡൗണ്‍ നടപ്പാക്കിയതും കാരണം സ്വകാര്യ ഉപഭോഗം മന്ദഗതിയിലായത് വാഹന നിര്‍മാണ വ്യവസായത്തെ വലിയ സമ്മര്‍ദ്ദത്തിലാക്കിയിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്