യാത്ര നിയന്ത്രണങ്ങളില്‍ ഇളവ്; വിനോദസഞ്ചാരത്തിനല്ലാതെ മറ്റെല്ലാ ആവശ്യങ്ങള്‍ക്കും ഇന്ത്യ സന്ദര്‍ശിക്കാന്‍ വിദേശീയര്‍ക്ക് അനുമതി
ന്യൂഡല്‍ഹി: ഇന്ത്യയിലേക്കുള്ള യാത്രക്കും വിസക്കും കൊവിഡ് വ്യാപനത്തിന്റെ പശ്ചാത്തലത്തില്‍ ഏര്‍പ്പെടുത്തിയ നിയന്ത്രണങ്ങളില്‍ ഇളവ് പ്രഖ്യാപിച്ച് കേന്ദ്ര സര്‍ക്കാര്‍. ഇന്ത്യക്കാരായ മറുനാടന്‍ പൗരന്മാര്‍, ഇന്ത്യന്‍ വംശജര്‍ എന്നിവര്‍ക്കായുള്ള ഒസിഐ, പിഐഒ കാര്‍ഡുള്ളവര്‍ക്കും, വിദേശികള്‍ക്കും ഇന്ത്യയില്‍ വരുന്നതിനും തിരിച്ച് പോകുന്നതിനുമുള്ള വിലക്ക് നീക്കിയതായി കേന്ദ്ര ആഭ്യന്തര മന്ത്രാലയം വ്യക്തമാക്കി.
'ടൂറിസ്റ്റ് വിസ ഒഴികെ മറ്റ് എല്ലാ ആവശ്യങ്ങള്‍ക്കും ഇന്ത്യ സന്ദര്‍ശിക്കാന്‍ ആഗ്രഹിക്കുന്ന ഒസിഐ, പിഒഒ കാര്‍ഡ് ഉടമകള്‍ക്കും മറ്റെല്ലാ വിദേശ പൗരന്മാര്‍ക്കും അംഗീകൃത വിമാനത്താവളങ്ങളിലൂടെയും തുറമുഖ ഇമിഗ്രേഷന്‍ ചെക്ക് പോസ്റ്റുകളിലൂടെയും വിമാനം അല്ലെങ്കില്‍ ജലമാര്‍ഗങ്ങളില്‍ രാജ്യത്തേക്ക് പ്രവേശിക്കാന്‍ അനുമതി നല്‍കാന്‍ തീരുമാനിച്ചു. വന്ദേ ഭാരത് മിഷനു കീഴില്‍ പ്രവര്‍ത്തിക്കുന്ന വിമാനങ്ങള്‍, എയര്‍ ട്രാന്‍സ്‌പോര്‍ട്ട് ബബിള്‍ ക്രമീകരണം അല്ലെങ്കില്‍ സിവില്‍ ഏവിയേഷന്‍ മന്ത്രാലയം അനുവദിക്കുന്ന ഏതെങ്കിലും ഷെഡ്യൂള്‍ ചെയ്യാത്ത വാണിജ്യ വിമാനങ്ങള്‍ എന്നിവ ഇതില്‍ ഉള്‍പ്പെടുന്നു'-ആഭ്യന്തരമന്ത്രാലയം പ്രസ്താവനയില്‍ അറിയിച്ചു.
വരുന്നവര്‍, ആരോഗ്യ, കുടുംബക്ഷേമ മന്ത്രാലയത്തിന്റെ മാര്‍ഗ്ഗനിര്‍ദ്ദേശങ്ങള്‍ കര്‍ശനമായി പാലിക്കേണ്ടതുണ്ടെന്നും വകുപ്പ് അറിയിച്ചു. കൂടാതെ, നിലവിലുള്ള എല്ലാ വിസകളും (ഇലക്ട്രോണിക് വിസ, ടൂറിസ്റ്റ് വിസ, മെഡിക്കല്‍ വിസ എന്നിവ ഒഴികെ) പുനഃസ്ഥാപിക്കാന്‍ ഇന്ത്യന്‍ സര്‍ക്കാര്‍ തീരുമാനിച്ചു. 'അത്തരം വിസകളുടെ സാധുത കാലഹരണപ്പെട്ടെങ്കില്‍, ഉചിതമായ വിഭാഗങ്ങളുടെ പുതിയ വിസകള്‍ ബന്ധപ്പെട്ട ഇന്ത്യന്‍ മിഷന്‍ / പോസ്റ്റുകളില്‍ നിന്ന് ലഭിക്കുമെന്നും മന്ത്രാലയം അറിയിച്ചു.
വൈദ്യചികിത്സയ്ക്കായി ഇന്ത്യ സന്ദര്‍ശിക്കാന്‍ ആഗ്രഹിക്കുന്ന വിദേശ പൗരന്മാര്‍ക്ക് അവരുടെ മെഡിക്കല്‍ അറ്റന്‍ഡന്റുമാര്‍ ഉള്‍പ്പെടെയുള്ള മെഡിക്കല്‍ വിസയ്ക്ക് അപേക്ഷിക്കാം. ബിസിനസ്സ്, കോണ്‍ഫറന്‍സുകള്‍, തൊഴില്‍, പഠനങ്ങള്‍, ഗവേഷണം, മെഡിക്കല്‍ ആവശ്യങ്ങള്‍ തുടങ്ങി വിവിധ ആവശ്യങ്ങള്‍ക്കായി വിദേശ പൗരന്മാര്‍ക്ക് ഇന്ത്യയിലേക്ക് വരാനും ഈ മാറ്റങ്ങള്‍ സഹായിക്കും. വൈറസ് വ്യാപനത്തിന്റെ പശ്ചാത്തലത്തില്‍ 2020 ഫെബ്രുവരി മുതലാണ് ഇന്ത്യ വിസകള്‍ക്ക് നിയന്ത്രണങ്ങള്‍ ഏര്‍പ്പെടുത്തിയത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്‍ക്കാര്‍ കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്