കോവിഡ് പ്രതിസന്ധികള്‍ക്കിടയിലും ജീവനക്കാര്‍ക്ക് ബോണസ് പ്രഖ്യാപനവുമായി എച്ച്‌സിഎല്‍
മുംബൈ: കോവിഡ് പ്രതിസന്ധികള്‍ക്കിടയിലും ജീവനക്കാര്‍ക്ക് ബോണസ് പ്രഖ്യാപനവുമായി ഇന്ത്യന്‍ ഐ.ടി. കമ്പനിയായ എച്ച്.സി.എല്‍. ടെക്‌നോളജീസ്. ഒന്നരലക്ഷത്തോളം വരുന്ന ജീവനക്കാരില്‍ ആരെയും പിരിച്ചുവിടില്ലെന്നും ശമ്പളം കുറയ്ക്കില്ലെന്നും കമ്പനി വ്യക്തമാക്കിയിട്ടുണ്ട്.
തുടക്കക്കാരായ 15,000 പേരെ നിയമിക്കാന്‍ കോവിഡ് കാലത്തിനുമുമ്പ് എച്ച്.സി.എല്‍. തീരുമാനിച്ചിരുന്നു. ഈ നിയമനവുമായി മുന്നോട്ടുപോകാനാണ് തീരുമാനമെന്ന് കമ്പനി നേരത്തേതന്നെ വ്യക്തമാക്കിയിട്ടുണ്ട്. ഇതുവരെ കമ്പനിയുടെ പ്രോജക്ടുകള്‍ ഒന്നും റദ്ദായിട്ടില്ലെന്നും എന്നാല്‍, പുതിയ പ്രോജക്ടുകള്‍ വരുന്നതില്‍ താമസം നേരിടുന്നുണ്ടെന്നും ചീഫ് ഹ്യൂമന്‍ റിസോഴ്‌സസ് ഓഫീസര്‍ വി.വി. അപ്പാറാവു പറഞ്ഞു. നിലവില്‍ വിവിധ വിഭാഗങ്ങളിലായി 5000 പേരെ ആവശ്യമുണ്ട്.
ഈ നിയമനങ്ങളുമായി മുന്നോട്ടുപോകുകയാണ്. ലോക്ക്ഡൗണ്‍ കാലത്ത് കമ്പനിയുടെ ഉത്പാദന ക്ഷമതയില്‍ 16 മുതല്‍ 17 ശതമാനം വരെ വര്‍ധനയുണ്ടായി. ഈ സാഹചര്യത്തില്‍ ഭാവിയില്‍ 50 ശതമാനം ജോലി വീടുകളില്‍ നിന്നാക്കുന്നതിന്റെ സാധ്യത പരിശോധിക്കുന്നതായും അദ്ദേഹം സൂചിപ്പിച്ചു. ഐടി-ബിപിഎം മേഖലയിലെ കമ്പനികളായ ഇന്‍ഫോസിസ്, വിപ്രോ, ടിസിഎസ്, ഡബ്ല്യുഎന്‍എസ് തുടങ്ങിയവ ശമ്പള വര്‍ദ്ധനവ് വൈകിപ്പിക്കുകയും പ്രധാന വിപണികളിലുടനീളം അനിശ്ചിതത്വം നിലനില്‍ക്കുന്നതിനാല്‍ പ്രമോഷനുകള്‍ നിര്‍ത്തിവയ്ക്കുകയും ചെയ്തിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്