എച്ച്ഡിഎഫ്സി അസറ്റ് മാനേജ്മെന്റിന് മികച്ച ലാഭം; നാലാംപാദത്തില്‍ 8.7 ശതമാനം വളര്‍ച്ച
ന്യൂഡല്‍ഹി: കഴിഞ്ഞ സാമ്പത്തിക വര്‍ഷത്തിലെ നാലാംപാദത്തില്‍ എച്ച്ഡിഎഫ്സി അസറ്റ് മാനേജ്മെന്റ് കമ്പനി (എഎംസി) യ്ക്ക് നികുതി കിഴിച്ചുള്ള ലാഭത്തില്‍ 8.7 ശതമാനം വളര്‍ച്ച. ഇതോടെ 343.55 കോടി രൂപയിലേക്ക് എത്തിയിരിക്കുകയാണ് കമ്പനിയുടെ ലാഭം. 2021 സാമ്പത്തിക വര്‍ഷത്തിലെ അവസാന പാദത്തില്‍ 316.08 കോടി രൂപയായിരുന്നു ഈ വിഭാഗത്തില്‍ കമ്പനി നേടിയിരുന്നത്.
2021 സാമ്പത്തിക വര്‍ഷത്തെ നാലാം പാദത്തില്‍ 545.57 കോടി രൂപയായിരുന്നു കമ്പനിയുടെ മൊത്ത വരുമാനം. ഇതില്‍ നിന്നും, ഇക്കഴിഞ്ഞ നാലാം പാദത്തില്‍ കമ്പനിയുടെ മൊത്ത വരുമാനം 580.93 കോടി രൂപയായി ഉയര്‍ന്നു. 2022 സാമ്പത്തിക വര്‍ഷത്തിലെ മൊത്തം കണക്കെടുത്താല്‍, എച്ച്ഡിഎഫ്സി എഎംസിയുടെ നികുതി കിഴിച്ചുള്ള ലാഭം 1,393.13 കോടി രൂപയാണ്. തൊട്ട് മുന്‍ വര്‍ഷം ഇത് 1,325.76 കോടി രൂപയായിരുന്നു.
കഴിഞ്ഞ സാമ്പത്തിക വര്‍ഷത്തില്‍ മൊത്തം വരുമാനത്തിലും നേട്ടം കൈവരിക്കാന്‍ കമ്പനിക്കായി. 2,433.20 കോടി രൂപയാണ് ഇക്കാലയളവിലെ കമ്പനിയുടെ മൊത്ത വരുമാനം. 2021 സാമ്പത്തിക വര്‍ഷത്തില്‍ ഇത് 1,202.74 കോടി രൂപയായിരുന്നു. കൂടാതെ, അഞ്ചു രൂപ മുഖവിലയുള്ള ഓരോ ഓഹരിക്കും 42 രൂപ വീതം ലാഭവിഹിതം നല്‍കാന്‍ കമ്പനി ഡയറക്ടര്‍ ബോര്‍ഡ് ശുപാര്‍ശ ചെയ്തിട്ടുണ്ട്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്‍ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്