ഐഡിആര്‍സിഎല്‍ ഓഹരി ഏറ്റെടുക്കല്‍; ആദ്യഘട്ടത്തില്‍ 3 കോടി രൂപ നിക്ഷേപവുമായി എച്ച്ഡിഎഫ്സി ബാങ്ക്
ഡെറ്റ് മാനേജ്മെന്റ് കമ്പനിയായ ഐഡിആര്‍സിഎല്ലിന്റെ ഓഹരി ഏറ്റെടുക്കലിന്റെ ആദ്യഘട്ടത്തില്‍ മൂന്ന് കോടി രൂപ നിക്ഷേപിക്കുന്നതിനുള്ള കരാറില്‍ ഒപ്പുവെച്ചതായി എച്ച്ഡിഎഫ്സി ബാങ്ക് ചൊവ്വാഴ്ച അറിയിച്ചു. ഇക്വിറ്റി സെക്യൂരിറ്റികളിലേക്കുള്ള സബ്സ്‌ക്രിപ്ഷന്‍ വഴി ഇന്ത്യ ഡെബ്റ്റ് റെസൊല്യൂഷന്‍ കമ്പനി ലിമിറ്റഡില്‍ (ഐഡിആര്‍സിഎല്‍) നിക്ഷേപിക്കുന്നതിനായി എച്ച്ഡിഎഫ്സി ബാങ്ക് 2022 മാര്‍ച്ച് 28-ന് ഒരു കരാറില്‍ ഒപ്പുവച്ചതായി ബാങ്ക് റെഗുലേറ്ററി ഫയലിംഗില്‍ അറിയിച്ചു.
ഒരു ഡെറ്റ് മാനേജ്മെന്റ് കമ്പനിയായി ബിസിനസ്സ് തുടരുന്നതിനും എല്ലാത്തരം ഡെറ്റ് മാനേജ്മെന്റുകളും ചെയ്യുന്നതിനുമായി 2021 സെപ്റ്റംബര്‍ 3-ന് ഐഡിആര്‍സിഎല്‍ സംയോജിപ്പിച്ചു. ഒരു അസറ്റ് റീകണ്‍സ്ട്രക്ഷന്‍ കമ്പനി അല്ലെങ്കില്‍ ഇന്‍വെസ്റ്റ്മെന്റ് ട്രസ്റ്റ് അല്ലെങ്കില്‍ സെക്യൂരിറ്റികളുടെ മറ്റേതെങ്കിലും പോര്‍ട്ട്ഫോളിയോയ്ക്കായുള്ള ഡെറ്റ് റെസലൂഷനുമായി ബന്ധപ്പെട്ട് പ്രവര്‍ത്തന മാനേജ്മെന്റും കണ്‍സള്‍ട്ടന്‍സി സേവനങ്ങളും ഇത് ചെയ്യും.
'ഇക്വിറ്റി നിക്ഷേപം ഘട്ടങ്ങളായി നടത്തും. 3 കോടി രൂപയുടെ ഇക്വിറ്റി നിക്ഷേപത്തിന്റെ ആദ്യ ഗഡു 2022 മാര്‍ച്ച് 31-നകം പൂര്‍ത്തിയാകുമെന്ന് പ്രതീക്ഷിക്കുന്നു. ഐഡിആര്‍സിഎല്ലിന്റെ ഡയറക്ടര്‍ ബോര്‍ഡ് നിശ്ചയിക്കുന്ന മുറയ്ക്ക് ഇക്വിറ്റി നിക്ഷേപത്തിന്റെ തുടര്‍ന്നുള്ള ഭാഗങ്ങള്‍ നടത്തുമെന്നും ബാങ്ക് പറഞ്ഞു. ഐഡിആര്‍സിഎല്ലില്‍ 15 ശതമാനം വരെ ഇക്വിറ്റി ഹോള്‍ഡിംഗ് സ്വന്തമാക്കുന്നതിന് 7.50 കോടി രൂപ പണമായി നല്‍കുമെന്ന് ബാങ്ക് അറിയിച്ചു. എച്ച്ഡിഎഫ്സി ബാങ്കിന്റെ ഓഹരികള്‍ ബിഎസ്ഇയില്‍ ഓരോന്നിനും 1,442.45 രൂപയിലാണ് വ്യാപാരം നടക്കുന്നത്, മുന്‍ ക്ലോസിനേക്കാള്‍ 0.67 ശതമാനം ഉയര്‍ന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്‍ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്