ഇവി ചാര്‍ജിംഗ് സ്റ്റേഷനുകള്‍ക്കായി ബിപിസിഎല്ലുമായി സഹകരിക്കാന്‍ ഒരുങ്ങി ഹീറോ മോട്ടോകോര്‍പ്പ്
പൊതുമേഖലാ സ്ഥാപനമായ ഭാരത് പെട്രോളിയം കോര്‍പറേഷനുമായി (ബിപിസിഎല്‍) സഹകരിക്കാന്‍ ഇരുചക്ര വാഹന നിര്‍മാതാക്കളായ ഹീറോ മോട്ടോകോര്‍പ്പ്. ഇലക്ട്രിക് വാഹനങ്ങള്‍ക്കായി ചാര്‍ജിംഗ് സൗകര്യം വികസിപ്പിക്കുകയാണ് ലക്ഷ്യം. ചാര്‍ജിംഗ് സ്റ്റേഷനുകള്‍ക്കായി ഒരു പൊതുമേഖലാ സ്ഥാപനവുമായി സഹകരിക്കുന്ന ആദ്യ വാഹന നിര്‍മാതാക്കളാണ് ഹീറോ.
ലോകത്തെ തന്നെ ഏറ്റവും വലിയ ഇരുചക്ര വാഹന നിര്‍മാതാക്കളായ ഹീറോ ഇതുവരെ ഇലക്ട്രിക് മോഡലുകള്‍ പുറത്തിറക്കിയിട്ടില്ല. ഇവികള്‍ അവതരിപ്പിക്കുന്നതിന് മുന്നോടിയായി ഉപഭോക്താക്കള്‍ക്ക് മതിയായ അടിസ്ഥാന സൗകര്യങ്ങള്‍ ഒരുക്കുകയാണ് കമ്പനിയുടെ ലക്ഷ്യം.ബിപിസില്‍ 2021 സെപ്റ്റംബറില്‍ തന്നെ നിലവിലുള്ള 7,000 പെട്രോള്‍ പമ്പുകളില്‍ ഇവി ചാര്‍ജിംഗ് സ്റ്റേഷനുകള്‍ ആരംഭിക്കുമെന്ന് അറിയിച്ചിരുന്നു. ബിപിസിഎല്‍ പമ്പുകളില്‍ ചാര്‍ജിംഗ് സ്റ്റേഷനുകള്‍ ഒരുക്കാനുള്ള സൗകര്യങ്ങളാണ് ഹിറോയും ഒരുക്കുന്നത്.
ചാര്‍ജിംഗ് മുതല്‍ പണമടയ്ക്കല്‍ വരെ ഹീറോമോട്ടോകോര്‍പ്പ് മൊബൈല്‍ ആപ്ലിക്കേഷന്‍ ഉപയോഗിച്ചാവും നടക്കുക. ആദ്യ ഘടത്തില്‍ ബെംഗളൂരു, ഡല്‍ഹി ഉള്‍പ്പടെയുള്ള ഒമ്പത് നഗരങ്ങളിലാണ് ബിപിസിഎല്‍-ഹീറോ ചാര്‍ജിംഗ് സ്റ്റേഷനുകള്‍ സ്ഥാപിക്കുന്നത്. പിന്നീട് ഈ സംവിധാനം രാജ്യം മുഴുവന്‍ വ്യാപിപ്പിക്കും. ഇരുചക്ര വാഹനങ്ങള്‍ക്ക് പ്രാധാന്യം നല്‍കിക്കൊണ്ടുള്ള ചാര്‍ജിംഗ് സ്റ്റേഷനുകളാണ് ഒരുങ്ങുന്നത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്