ഇരുചക്ര വാഹന വില്പന 25 ലക്ഷം പിന്നിട്ട് ഹോണ്ട; മികച്ച മുന്നേറ്റം ആഘോഷമാക്കി ഹോണ്ട സൂപ്പര് സിക്സ് ആനുകൂല്യം പ്രഖ്യാപിച്ചു
കൊച്ചി: ഹോണ്ട മോട്ടോര് സൈക്കിള് ആന്റ് സ്ക്കൂട്ടര് ഇന്ത്യയുടെ കേരളത്തിലെ വില്പന 25 ലക്ഷം കടന്നു. 2001 മുതല് 2014 വരെയുള്ള 14 വര്ഷം കൊണ്ട് കേരളത്തില് പത്തുലക്ഷം ഉപഭോക്താക്കളെന്ന നേട്ടം കരസ്ഥമാക്കിയ ഹോണ്ട ടു വീലേഴ്സ് അടുത്ത ആറു വര്ഷം കൊണ്ട് അടുത്ത 15 ലക്ഷം ഉപഭോക്താക്കളെ സ്വന്തമാക്കുകയായിരുന്നു. കേരളത്തില് ഹോണ്ട സൂപ്പര് സിക്സ് ആനുകൂല്യം പ്രഖ്യാപിച്ചു കൊണ്ടാണ് ഹോണ്ട ടു വീലേഴ്സ് ഇന്ത്യ ഇത് ആഘോഷിക്കുന്നത്.
നവംബര് 20 വരെ നീണ്ടു നില്ക്കുന്ന ഈ ആനുകൂല്യ പ്രകാരം ഉപഭോക്താക്കള്ക്ക് 11,000 രൂപ വരെ നേട്ടമുണ്ടാകും. ഏറ്റവും കുറഞ്ഞ നിരക്കില് 100 ശതമാനം വരെ വായ്പ, ഇഎംഐ പദ്ധതിയില് 50 ശതമാനം ഡിസ്ക്കൗണ്ട്, ക്രെഡിറ്റ് കാര്ഡ്, ഡെബിറ്റ് കാര്ഡ് ഇഎംഐകളില് അയ്യായിരം രൂപ വരെ കാഷ്ബാക്ക്, പേടിഎം വഴിയുള്ള വാങ്ങലില് 2500 രൂപ വരെയുള്ള ആനുകൂല്യങ്ങള് തുടങ്ങിയവയാണ് ഇതിലൂടെ ലഭിക്കുന്നത്. മധ്യനിര മോട്ടോര് സൈക്കിള് പ്രേമികള്ക്ക് ആവേശം നല്കിക്കൊണ്ട് പുതിയ ഹൈനസ് സിബി-350 ആഗോള തലത്തില് അവതരിപ്പിച്ച് രണ്ടാഴ്ചയ്ക്കകം അതു കേരളത്തിലും അവതരിപ്പിക്കുകയാണ്.
കേരളത്തില് ഇരുചക്ര വാഹനങ്ങള് വാങ്ങുന്ന മൂന്നു പേരില് ഒരാള് വീതം ഹോണ്ട ഇരുചക്ര വാഹനങ്ങളാണ് വാങ്ങുന്നത്. കേരളത്തിലെ ഉപഭോക്താക്കളുടെ ആദ്യ പരിഗണന തങ്ങള്ക്കാണെന്ന് ഇതേക്കുറിച്ചു പ്രതികരിക്കവെ ഹോണ്ട മോട്ടോര് സൈക്കിള് ആന്റ് സ്ക്കൂട്ടര് ഇന്ത്യയുടെ വിപണന വിഭാഗം ഡയറക്ടര് യദ്വീന്ദര് സിങ് ഗുലേറിയ പറഞ്ഞു. ഇരുചക്ര വാഹന രംഗത്ത് ആദ്യമായി ആറു വര്ഷ വാറണ്ടി പാക്കേജ് ഉള്പ്പെടെ തങ്ങള് അവതരിപ്പിച്ചിരിക്കുകയാണെന്നും അദ്ദേഹം ചൂണ്ടിക്കാട്ടി.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്