ഇന്ത്യയുടെ ജിഡിപി ചുരുങ്ങുന്നത് 11 ശതമാനമായി പരിഷ്‌കരിച്ച് ഐസിആര്‍എ; മുന്‍ പ്രവചനം 9.5 ശതമാനം

4 years ago

റേറ്റിംഗ് ഏജന്‍സിയായ ഐസിആര്‍എ 2020-21 സാമ്പത്തിക വര്‍ഷത്തെ ഇന്ത്യയുടെ മൊത്ത ആഭ്യന്തര ഉത്പാദനം (ജിഡിപി) 11 ശതമാനമായി ചുരുങ്ങുമെന്ന് പ്രവചിച്ചു. ഇന്ത്യയില്‍ കൊവിഡ്-19 കേസുകളുടെ എണ്ണം അനിയന്ത്രിതമായി വര്‍ദ്ധിക്കുന്ന പശ്ചാത്തലത്തിലാണ് ഈ പുനരവലോകനം. നടപ്പ് സാമ്പത്തിക വര്‍ഷത്തില്‍ ജിഡിപി ചുരുങ്ങല്‍ 9.5 ശതമാനമായിരിക്കുമെന്ന് റേറ്റിംഗ് ഏജന്‍സി നേരത്തെ പ്രവചിച്ചിരുന്നു. നടപ്പ് സാമ്പത്തിക വര്‍ഷത്തിന്റെ രണ്ടാം പാദത്തില്‍ ജിഡിപിയില്‍ 12.4 ശതമാനം സങ്കോചമുണ്ടാകുമെന്ന പ്രവചനം ഐസിആര്‍എ നിലനിര്‍ത്തി.

അതേസമയം, സാമ്പത്തിക വര്‍ഷത്തിന്റെ മൂന്നാമത്തെയും നാലാമത്തെയും പാദങ്ങളില്‍ ഇന്ത്യന്‍ സമ്പദ്വ്യവസ്ഥ ചുരുങ്ങുമെന്നാണ് ഏജന്‍സി പ്രതീക്ഷിക്കുന്നത്. ഈ സാമ്പത്തിക വര്‍ഷത്തിന്റെ അവസാന പാദത്തില്‍ സമ്പദ്വ്യവസ്ഥ വളര്‍ച്ച കാണിക്കുമെന്ന് നേരത്തെ പ്രവചിച്ചിരുന്നു. ഇന്ത്യന്‍ ജിഡിപിയില്‍ പ്രതീക്ഷിച്ച ഇടിവിന് ശേഷം, ജിഡിപിയുടെ വാര്‍ഷിക സങ്കോചം മുന്‍ പ്രതീക്ഷയ്ക്ക് അനുസൃതമായി, 2021ലെ ഒന്നാം പാദത്തില്‍ 23.9 ശതമാനത്തില്‍ നിന്ന് 2021ലെ രണ്ടാം പാദത്തില്‍ 12.4 ശതമാനമായി കുറയുമെന്ന് ഐസിആര്‍എ വ്യക്തമാക്കിയിരുന്നു. എന്നാല്‍ ഇന്ത്യയില്‍ കൊവിഡ് -19 അണുബാധയുടെ വര്‍ദ്ധനവ് കണക്കിലെടുത്ത് മൂന്ന്, നാല് പാദങ്ങളിലെ പ്രവചനങ്ങള്‍ പരിഷ്‌കരിക്കുന്നതായി ഐസിആര്‍എ പറഞ്ഞു.
 
2021 ലെ മൊത്തത്തിലുള്ള ജിഡിപി ഫലം നിലവിലെ പ്രതീക്ഷിച്ച 11.0 ശതമാനത്തേക്കാള്‍ മോശമായിരിക്കുമെന്നും ഏജന്‍സി വ്യക്തമാക്കി. എന്നിരുന്നാലും, പ്രതീക്ഷിച്ചതിലും ഉയര്‍ന്ന സര്‍ക്കാര്‍ ചെലവുകള്‍, വേഗതയേറിയ ആഗോള വീണ്ടെടുക്കല്‍, പുതിയ കൊവിഡ്-19 കേസുകളുടെ ആദ്യകാല ഇടിവ് എന്നിവ ഈ പ്രവചനങ്ങള്‍ക്ക് ഒരു വിപരീതഫലമായിത്തീരും.

എന്നിരുന്നാലും, അടുത്തിടെയുള്ള ഡാറ്റയില്‍ വൈദ്യുതി ഉല്‍പാദന സങ്കോചത്തിന്റെ വേഗത, ക്രൂഡ് ഓയില്‍, റിഫൈനറി ഉല്‍പാദനം, ഡീസല്‍ ഉപഭോഗം, എണ്ണ ഇതര ചരക്ക് കയറ്റുമതി എന്നിവ പോലുള്ള ചില ഇടിവുകള്‍ ഉണ്ടായിട്ടുണ്ട്. സാധാരണ നിലയിലേക്കുള്ള തിരിച്ചുവരവ് സുഗമമായിരിക്കില്ല എന്ന കാഴ്ചപ്പാടിനെ ശക്തിപ്പെടുത്തുന്നതാണിതെന്ന് ഐസിആര്‍എ മുന്നറിയിപ്പ് നല്‍കി.

Related Articles