ആദായ നികുതി റിട്ടേണ്‍ സമര്‍പ്പിക്കാനുള്ള തീയതി നീട്ടി; സമയം സെപ്തംബര്‍ 30 വരെ
ന്യൂഡല്‍ഹി: നികുതി ദായകര്‍ക്ക് ഏറെ ആശ്വാസം നല്‍കി കേന്ദ്ര പ്രത്യക്ഷ നികുതി ബോര്‍ഡിന്റെ തീരുമാനം. ആദായ നികുതി റിട്ടേണ്‍ സമര്‍പ്പിക്കുന്നതിനുള്ള അവസാന തീയതി നീട്ടി. സെപ്തംബര്‍ 30 വരെയാണ് നീട്ടിയത്. കൊറോണ കാലത്തെ പ്രതിസന്ധികള്‍ക്കിടയില്‍ കേന്ദ്ര സര്‍ക്കാര്‍ എടുത്ത തീരുമാനം ഏറെ ആശ്വാസകരമാണ്. രാജ്യത്ത് രണ്ടാം കൊറോണ തരംഗം ആശങ്കയായി തുടരുന്ന പശ്ചാത്തലത്തിലാണ് സര്‍ക്കാര്‍ ഇങ്ങനെ ഒരു തീരുമാനം കൈക്കൊണ്ടത്.
2021-22 അസസ്മെന്റ് വര്‍ഷത്തെ നികുതി റിട്ടേണ്‍ സമര്‍പ്പിക്കുന്നതിനുള്ള അവസാന തീയതി സപ്തംബര്‍ 30ലേക്കാണ് നീട്ടിയത്. നേരത്തെ ഇത് ജൂലൈ 31 ആയിരുന്നു. ഓഡിറ്റ് അസസ്സിങ് ഉള്ളവര്‍ക്ക് നവംബര്‍ 30 വരെ ആദായ നികുതി റിട്ടേണ്‍ സമര്‍പ്പിക്കാം. നേരത്തെ ഇത് ഒക്ടോബര്‍ 31 ആയിരുന്നു. ടാക്സ് ഓഡിറ്റ് റിപ്പോര്‍ട്ട് സമര്‍പ്പിക്കുന്നതിനുള്ള തീയതി നേരത്തെ സപ്തംബര്‍ 30 ആയിരുന്നു. ഇത് ഒക്ടോബര്‍ 31ലേക്ക് മാറ്റി.
റിവൈസ്ഡ് ഇന്‍കം റിട്ടേണ്‍ സമര്‍പ്പിക്കുന്നതിനുള്ള തീയതി ഡിസംബര്‍ 31ല്‍ നിന്ന് ജനുവരി 31ലേക്ക് നീട്ടിയിട്ടുണ്ട്. കോര്‍പറേറ്റുകള്‍ക്കും മറ്റുമുള്ള എസ്എഫ്ടി സമര്‍പ്പിക്കേണ്ട തീയതി ജൂണ്‍ 30 ആണ്. നേരത്തെ ഇത് മെയ് 31 ആയിരുന്നു. കഴിഞ്ഞ സാമ്പത്തിക വര്‍ഷത്തെ നാലാം പാദത്തിലെ ടിഡിഎസ് സമര്‍പ്പിക്കാനുള്ള തീയതി മെയ് 31ല്‍ നിന്ന് ജൂണ്‍ 30ലേക്ക് നീട്ടി. ഫോറം 16 ഇഷ്യു ചെയ്യാനുള്ള അവസാന തീയതി ജൂലൈ 15ലേക്ക് നീട്ടി. നേരത്തെ ജൂണ്‍ 15 ആയിരുന്നു അവസാന തീയതി.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്‍ക്കാര്‍ കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്