ഏപ്രില്‍-ഡിസംബര്‍ കാലയളവില്‍ വിദേശ നിക്ഷേപമായി ഇന്ത്യയ്ക്ക് ലഭിച്ചത് 67.54 ബില്യണ്‍ യുഎസ് ഡോളര്‍
ന്യൂഡല്‍ഹി: 2020 ഏപ്രില്‍ മുതല്‍ ഡിസംബര്‍ വരെയുള്ള കാലയളവില്‍ നേരിട്ടുള്ള വിദേശ നിക്ഷേപമായി 67.54 ബില്യണ്‍ യുഎസ് ഡോളര്‍ ഇന്ത്യയ്ക്ക് ലഭിച്ചതായി വാണിജ്യ വ്യവസായ മന്ത്രാലയം. ഈ സാമ്പത്തിക വര്‍ഷത്തിലെ ആദ്യ ഒന്‍പതു മാസങ്ങളില്‍ ലഭിക്കുന്ന ഏറ്റവും ഉയര്‍ന്ന തുകയും 2019-20 ലെ ആദ്യ ഒമ്പത് മാസത്തെ അപേക്ഷിച്ച് 22 ശതമാനം വര്‍ധനയും ആണിത് (55.14 ബില്യണ്‍ യുഎസ് ഡോളര്‍).
ഈ സാമ്പത്തിക വര്‍ഷത്തിലെ ആദ്യ ഒമ്പത് മാസങ്ങളില്‍ എഫ്ഡിഐ ഓഹരി വരവില്‍ 40 ശതമാനം (51.47 ബില്യണ്‍ ഡോളര്‍) വളര്‍ച്ചയാണ് ഉണ്ടായത്. മുന്‍വര്‍ഷം ഇത് 36.77 ബില്യണ്‍ യുഎസ് ഡോളര്‍ ആയിരുന്നു. 2020-21 സാമ്പത്തിക വര്‍ഷത്തിലെ മൂന്നാം പാദത്തില്‍ എഫ്ഡിഐ വരവ് 37 ശതമാനം വര്‍ദ്ധിച്ചു (26.16 ബില്യണ്‍ യുഎസ് ഡോളര്‍). 2019 -20 സാമ്പത്തിക വര്‍ഷത്തിലെ മൂന്നാം പാദത്തില്‍ ഇത് 19.09 ബില്യണ്‍ യുഎസ് ഡോളര്‍ ആയിരുന്നു.
2019 ഡിസംബറിനെ അപേക്ഷിച്ച് (7.46 ബില്യണ്‍ യുഎസ് ഡോളര്‍), 2020 ഡിസംബറില്‍ നേരിട്ടുള്ള വിദേശ നിക്ഷേപ വരവില്‍ 24 ശതമാനം വര്‍ധന (9.22 ബില്യണ്‍ യുഎസ് ഡോളര്‍) ഉണ്ടായി. ആഗോള നിക്ഷേപകര്‍ക്ക് താല്പര്യമുള്ള നിക്ഷേപ കേന്ദ്രമാണ് ഇന്ത്യ എന്നതിന് തെളിവാണ് ഇന്ത്യക്ക് ലഭിച്ച നേരിട്ടുള്ള വിദേശ നിക്ഷേപത്തിലെ വര്‍ധനയെന്ന് വാണിജ്യ മന്ത്രാലയം പ്രസ്താവനയില്‍ പറഞ്ഞു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്