യുഎസുമായി 22000 കോടിയുടെ പ്രതിരോധകരാര്‍ ഒപ്പുവെച്ച് ഇന്ത്യ

5 years ago

ദില്ലി: ഇന്ത്യയുമായി 22000 കോടിരൂപയുടെ പ്രതിരോധ കരാറില്‍ ഒപ്പുവെച്ച് യുഎസ് .അമേരിക്കന്‍ പ്രസിഡന്റ് ട്രംപാണ് ഇക്കാര്യം പ്രഖ്യാപിച്ചത്. മാനസിക ആരോഗ്യം, മരുന്നുകളുടെ സുരക്ഷ, ഇന്ധനം എന്നി മേഖലകളിലും യുഎസ് ഇന്ത്യയുമായി ധാരണാപത്രം ഒപ്പുവെച്ചിട്ടുണ്ട് .നേരത്തെ തന്നെ ഈ കരാര്‍ സംബന്ധിച്ച് ധാരണയായിരുന്നു.

യുഎസില്‍ നിന്ന് സീഹോക്ക് ഹെലികോപ്റ്ററുകളാണ് ഇത്രയും തുക ചെലവഴിച്ച് ഇന്ത്യ വാങ്ങുന്നത്. ട്രംപ് ഹൈദരാബാദ് ഹൗസില്‍ വെച്ച് മോദിയുമായി നടത്തിയ കൂടിക്കാഴ്ചയ്ക്ക് ശേഷമാണ് ഇക്കാര്യങ്ങള്‍ വ്യക്തമാക്കിയത് . വ്യാപാര മേഖലയിലെ സഹകരണം സംബന്ധിച്ച ചര്‍ച്ചകള്‍ നടക്കുന്നതായി രാഷ്ട്രത്തലവന്‍മാര്‍ വ്യക്തമാക്കി.

 

Related Articles