ഇന്ത്യയുടെ വിദേശനാണ്യശേഖരം 4.23 ബില്യണ്‍ ഡോളര്‍ വര്‍ധിച്ച് 597.509 ബില്യണ്‍ ഡോളറായി
മുംബൈ: ഇന്ത്യയുടെ വിദേശനാണ്യശേഖരം 4.23 ബില്യണ്‍ ഡോളര്‍ വര്‍ധിച്ച് 597.509 ബില്യണ്‍ ഡോളറായെന്ന് ആര്‍ബിഐ. മെയ് 20 വരെയുള്ള കണക്കുകള്‍ അടിസ്ഥാനമാക്കിയുള്ള റിപ്പോര്‍ട്ടാണിത്. മെയ് 13ന് രാജ്യത്തെ വിദേശ നാണ്യ കരുതല്‍ ശേഖരം 2.676 ബില്യണ്‍ ഡോളര്‍ കുറഞ്ഞ് 593.279 ബില്യണ്‍ ഡോളറിലെത്തിയെന്ന് ആര്‍ബിഐ വ്യക്തമാക്കിയിരുന്നു.
വിദേശ നാണ്യ ആസ്തികളുടെ (എഫ്സിഎ) വളര്‍ച്ചയാണ് ഇതിനു പ്രധാന കാരണമായതെന്ന് റിപ്പോര്‍ട്ട് ചൂണ്ടിക്കാട്ടുന്നു. എഫ്സിഎ കഴിഞ്ഞ വാരം 3.825 ബില്യണ്‍ ഡോളര്‍ ഉയര്‍ന്ന് 533.378 ബില്യണ്‍ ഡോളറായെന്നും റിപ്പോര്‍ട്ടിലുണ്ട്. ഡോളറിന് പുറമേ യൂറോ, പൗണ്ട്, യെന്‍ തുടങ്ങിയ വിദേശ കറന്‍സികളിലുണ്ടാകുന്ന ഏറ്റക്കുറച്ചിലുകളും രാജ്യത്തിന്റെ വിദേശ നാണ്യ ശേഖരത്തെ ബാധിക്കുന്നുണ്ട്.
രാജ്യത്തെ സ്വര്‍ണ ശേഖരത്തിന്റെ മൂല്യം 253 മില്യണ്‍ ഡോളര്‍ വര്‍ധിച്ച് 40.823 ബില്യണ്‍ ഡോളറായി. അന്താരാഷ്ട്ര നാണ്യ നിധിയുമായുള്ള (ഐഎംഎഫ്) എസ് ഡി ആര്‍ (സ്പെഷ്യല്‍ ഡ്രോയിംഗ് റൈറ്റ്സ്) 102 മില്യണ്‍ ഡോളര്‍ വര്‍ധിച്ച് 18.306 ബില്യണ്‍ ഡോളറായെന്നും ആര്‍ബിഐ വ്യക്തമാക്കി. അന്താരാഷ്ട്ര നാണ്യ നിധിയിലെ ഇന്ത്യയുടെ റിസര്‍വ് സ്ഥാനം 51 മില്യണ്‍ ഡോളര്‍ ഉയര്‍ന്ന് 5.002 ബില്യണ്‍ ഡോളറായെന്നും റിപ്പോര്‍ട്ടിലുണ്ട്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല്‍ ധനാനുപാതവും ഉയര്ത്തി റിസര്‍വ് ബാങ്ക് -
സംസ്ഥാനത്ത് ഇന്ന് സ്വര്‍ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്